Bennwil
komunumo de Svislando From Wikipedia, the free encyclopedia
| Bennwil | |
|---|---|
 | |
 | |
| komunumo en Svislando | |
| Kantono | Bazelo Kampara |
| Distrikto | Waldenburg |
| Koordinatoj | 47° 24′ 0″ N 7° 47′ 0″ O (mapo) |
|
| |
| Nombro de loĝantoj | 613 |
| Areo | 6,51 km² |
| Alteco | 515 m super marnivelo |
| Poŝtkodo | 4431 |
| Komunumkodo | 2882 |
 | |
Bennwil (en la alemana lingvo: Bämbel) estas komunumo en la distrikto Waldenburg en Kantono Bazelo Kampara, Svislando. Ĝi havis 613 loĝantojn je la 31-a de decembro 2008.
Bennwil situas en la valkaldrono de la rivereto Bennwilerbach, kiu ankaŭ nomiĝas Wallibach alteco de 515 m s.m. inter la valoj de Waldenburg kaj de Diegten.
La komunumo Bennwil limas en nordo al Hölstein, en nordoriento al Diegten, en sudoriento al Eptingen, en sudo al Langenbruck, en sudokcidento al Oberdorf, kaj en nordokcidento al Niederdorf.
Bennwil situas flanke de la trafikvojoj. Al la reto de la publika trafiko la komunumo estas konektita nur dum la semajntagoj lunde ĝis vendrede per la buslinio 92.
La unua dokumenta mencio de Bennwil datiĝas el la jaro 1218 kiel Bendewilere. (Dokumento kun dato de la jaro 1189 estas falsigo).
En Bennwil estis trovitaj restaĵoj el la malfrua ferepoko, romia vilao kaj alemana tombejo. En mezepoko la vilaĝo apartenis al la nobela familio Frohburger, dum la Monaĥejo Schöntal posedis la interezrajtojn de la preĝejo. En la jaro 1400 la urbo Bazelo akiris la vilaĝon kune kun la Baronejo Waldenburg. Post la reformacio en la jaro 1529 la granda konsilio de Bazelo akiris ankaŭ la ekleziajn rajtojn. En la jaro 1617 inscendio detruis la preĝejon, kies fundamentoj datiĝas el la 8-a jarcento. En la jaro 1649 estis finkonstruita la nuna preĝejo, kiu pro sia predikejo el la renesanco estas protektita memoraĵo. Post la Bazela Kantondisiĝo de 1832, la vilaĝo en la jaro 1833 estis integrita kiel parto de la distrikto Waldenburg al la nova Kantono Bazelo Kampara.
En la vilaĝo vidindas la preĝejo, kiu estas nove konstruita en la jaro 1670, la vilaĝa muzeo kaj la multnombraj malnovaj kamparanaj domoj.
La famkonata germanlingva svisa verkisto Carl Spitteler estas civitano de la komunumo Bennwil.
Reformita preĝejo
Vilaĝa muzeo
Restoracio Ochsen
Lernejo
Vilaĝa vendejo
Rojo Bennwilerbach
Vilaĝa strato
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
