Antifato

Antifato (helene Αντιφάτης, latine Antiphates) estis en la helena mitologio estro de la etno de Laistrigonoj.

Kiam itaka reĝo Odiseo estis revenanta el la Troja milito, atendis lin suferplena vagado sur la maro. Dum sia vojaĝo li venis en la insulon de la venta dio Aiolo, kiu donacis al li felsakon kun ventoj, aparte kun la favora okcidenta vento, kiu veturigu lin ĝis lia insulo Itako. Sed la ebriita ŝipanaro malfermis alian felsakon, en kiu estis ventoj de diversaj direktoj, kiuj alportis ilin en la insulon de Laistrigonoj, proksime de Sicilio.

Laistrigonoj estis etno de hommanĝantaj Gigantoj, kies estro aŭ reĝo Antifato, malgraŭ ĉiu atentemo de Odiseo kaj de liaj kunuloj atakis maristojn kaj unu tuj mortigis kaj preparigis al manĝado. Odiseo alveturis al la insulo per dek du ŝipoj, kiujn la Gigantoj tuj elserĉis kaj ŝtonumis, por ke la ŝipoj ne kapablu forveturi. Poste la Gigantoj iris suben al strando kaj plu mortigis ŝipanojn kaj preparadis festenon.

Odiseo jam atendis nenion, kuris al la ŝipoj dishakis ŝnuregon, saltis sur ferdekon kaj instigadis postrestitajn ŝipanojn, ke ili alsaltu kaj intensive remu. Tiel savis sin ununura ŝipo kun malgranda resto da homoj de Odiseo. Ili ĉesis senti timegon nur malproksime en libera maro kaj dankis al dioj por sia savo.