From Wikipedia, the free encyclopedia
Amazon Kindle estas programara kaj aparatara platformo evoluigita de Amazon.com por la interpreto kaj montrado de e-libroj kaj aliaj ciferecaj amaskomunikiloj. Multaj aparatoj, inkluzive "Kindle", "Kindle Touch", "Kindle DX" kaj "Kindle Fire" apogas tiun platformon. Programoj por Kindle ekzistas por Androido, Vindozo, iPhone OS, BlackBerry kaj Mac OS X. La unua Kindle lanĉiĝis en Usono la 19-an de novembro 2007.
Amazon Kindle | ||
---|---|---|
![]() | ||
programaro • varomarko • komputa platformo vd | ||
Dum | nekonata - nekonata/nuntempe | |
Posedata de | Amazon vd | |
TTT | Oficiala retejo | |
La Kindle (krom la Kindle Fire) utiligas ekranon kun elektronika papero de la marko E Ink. Ĝi elŝutas enhavon pere de la Whispernet-reto de Amazon. Kelkaj Kindloj uzas la reton de AT&T, kiu disponigas internacian sendratan aliron, multaj uzas wifi.
Uzantoj povas elŝuti enhavon de Amazon kaj de kelkaj aliaj provizantoj en la proprieta formo AZW aŭ ŝarĝenhavon en diversaj formoj de komputilo per simple retpoŝtigado de Doc, TXT kaj PDF-dosieroj al sia propra Kindle-retpoŝtadreso. La aparato vendiĝas kun New Oxford American Dictionary, the Oxford Dictionary of English, Lo Zingarelli Vocabolario della Lingua Italiana, le Dictionnaire français de définitions, el Diccionario de la lengua española kaj Duden Deutsches Universalwörterbuch. Kindle ankaŭ enhavas plurajn liberajn eksperimentajn ecojn inkluzive de baza TTT-legilo. Uzantoj ankaŭ povas ludi muzikon de MP3-dosieroj en la fono.
La uzokondiĉoj malpermesas transdoni Amazon-librojn al alia uzanto aŭ malsama speco de aparato.
En julio de 2009 Amazon.com forviŝis el la aparatoj de aĉetintoj (kaj eklegintoj) kopiojn de libroj "La Besto-Farmo" kaj "1984" de George Orwell kaj redonis al ili la aĉetmonon. La kialo estis malobservo de kopirajto: la publikiginto, kiu metis ilin en la katalogon, ne havis licencon por tio en Usono, kie la libroj ne estis publika havaĵo. Oni komparis tion kun enhavo de la romano "1984" mem, en kiu la registaro konstante kaj plene falsadas kaj reverkadis la historion.[1][2] Poste reprezentanto de Amazon diris, ke la sistemo estas ŝanĝita por ke aŭtomata forviŝo ne plu okazu.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.