From Wikipedia, the free encyclopedia
Agaete [agaEte] estas urbo kaj municipo apartenanta al la provinco Las Palmas, en la regiono Kanarioj.[1][2] Ĝi etendiĝas sur la nordokcidenta parto de la insulo Gran Canaria. La loknomo Agaete plej verŝajne devenas de la guanĉoj, sed fakuloj ne interkonsentas pri la preciza signifo, dum aliaj fakuloj proponas korupton el la hispana aŭ eĉ el la itala.[3][4][5][6]
Agaete | |||
---|---|---|---|
| |||
municipo en Hispanio ![]() | |||
Flago | Blazono | ||
Administrado | |||
Poŝtkodo | 35480 | ||
En TTT | Oficiala retejo [+] | ||
Demografio | |||
Loĝantaro | 5 568 (2023) [+] | ||
Loĝdenso | 122 loĝ./km² | ||
Geografio | |||
Geografia situo | 28° 6′ N, 15° 42′ U (mapo)28.101687-15.700745 [+] | ||
Alto | 43 m [+] | ||
Areo | 45,5 km² (4 550 ha) [+] | ||
Horzono | UTC+01:00 [+] | ||
![]() | |||
| |||
Alia projekto | |||
![]() | |||
En la municipa teritorio elstaras la ĉefurbo — la kerno de Agaete mem —, la haveno Las Nieves – komunikita regule per pramo kun la insulo Tenerife – kaj Los Berrazales supren montare – kun abunda vegetaĵaro –.
Agaete estas en la nordokcidenta parto de la insulo Gran Canaria, je 36.2 km de la provinca kaj insula ĉefurbo. Ĝi enhavas areon de 45.5 km², kiel la 11a plej granda teritorio de la insulo.[7][8]
La municipa teritorio limas kun tiuj de Artenara (sude) kaj Gáldar (oriente).[8]
La municipa ĉefurbo, nome la urba kerno, estas je 43 m.s.m.,[7] kaj la plej alta loko estas 1 421.9 m.s.m. en Pico de la Bandera, en la montaro Tamadaba.[8] La municipa teritorio deklivas el orientaj altaĵoj ĝis la marbordo. Tiukadre, Artenara estas unu de la municipoj de la insulo kun plej granda teritoria deklivo, ĉar ĝi malaltiĝas el 1 770 m ĝis la marnivelo.[8]
Agaete posedas parton de sia teritorio protektita ene de la Kanaria Reto de Protektitaj Naturaj Areoj, nome kunhavante kun najbaraj municipoj la Naturan Parkon Tamadaba.[9] Tiu loko estas inkludita en la Reto Natura 2000 kiel Zono de speciala konservado (ZSK).[10]
La municipa teritorio formas parton de la Rezervejo de la Biosfero de Gran Canaria.[11] Agaete posedas ankaŭ parton de la publika monto Tamadaba.[8]
En la areo estis grava setlado de guanĉoj. Ili praktikis brutobredadon kaj agrikulturon, kiel atestas pluraj restaĵoj de tiu epoko. Post la konkero de Gran Canaria en 1478, la novaj kolonoj, kastilianoj kaj portugaloj, dediĉis sin al la samaj taskoj, ĉefe cele al cerealoj kaj fiŝkaptado.
La konkeranto Pedro de Vera starigis turon. Alonso Fernández de Lugo estis la unua urbestro de tiu fortikaĵo.[12]
La municipo havis 5 526 loĝantojn je 2017, estante la 29a de la provinco Las Palmas kaj la 18a de la insulo Gran Canaria.[13]
Historie oni preskaŭ atingis 5 000 loĝantoj jam en la 1960-aj jaroj kaj ekde tiam oni kreskiĝis nur iomete.
Loĝlokoj | Loĝantoj | Viroj | Virinoj |
---|---|---|---|
Agaete (municipa ĉefurbo) | 3631 | 1792 | 1839 |
Guayedra | 6 | 3 | 3 |
El Hornillo | 16 | 12 | 4 |
Los Llanos | 77 | 41 | 36 |
Puerto de Las Nieves | 690 | 345 | 345 |
El Risco | 203 | 103 | 100 |
El Sao | 5 | 5 | 0 |
Valle de Agaete | 898 | 456 | 442 |
Agaete dividiĝas en la jenaj entoj kaj loĝlokoj kun korespondaj kernoj:[13]
Agaete bazigis sian ekonomion en agrikulturo (propra konsumo kaj citrusoj) kaj fiŝkaptado.[8] Sed lastatempe turismo iĝis ĉefa ekonomia rimedo. En la municipo estas fiŝkaptista asocio, kaj elŝipigejoj en haveno Las Nieves, kaj en Sardina del Norte kaj La Aldea. Tiu asocio grupigas el Descojonado sude ĝis Las Ranas kaj Arucas nordoriente.[8]
La turisma disvolviĝo okazis ĉefe en la 21-a jarcento. Nun estas granda disvolviĝo de rura turismo. Eblas montara piedirado, kultura turismo, kaj aliaj okupitecoj. Estas komerca centro en haveno Las Nieves kaj gastejoj en Agaete (kvar hoteloj kaj dek ruraj domoj).[8]
Estas multaj vidindaĵoj en la municipo.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.