Peccato veniale (film)
From Wikipedia, the free encyclopedia
Remove ads
Remove ads
.png)
Miranduléś|
C'l artìcul chè 'l è scrit in
Miranduléś |
«
Lì lò 'l éra tròp śōvan p'r avēr na mujēr... mo minga tròp śōvan par la mujēr 'd sò fradèl.»
(Tagline dal film)
Peccato veniale (Pcâ da gnint) 'l è 'n film eròtic itagliàṅ dal 1974 ad Salvatore Samperi.
Al prutagunìsta masć dla pelìcula, Alessandro Momo, 'l è mòrt a darsèt an soquànti stmani dòp la surtìda dal film, faghénd 'n incidènt mént'r al druàva la mòta dl'Eleonora Giorgi sò amìga.
Sunt
Sandro Bellotto (Alessandro Momo), dit Sandrino in famìja, 'l è 'n ragàs ad darsèt an in vacànsa a 'l mâr in Tuscàna cun sò pàdar Giustino (Tino Carraro) e sò màdar Lilla (Lilla Brignone). Un dè a riva lè anc sò fradèl più grand Renzo (Orazio Orlando) insém a sò mujēr, spuśàda da pôc, la Laura (Laura Antonelli). I dū i èṅ dimóndi inamurâ e i s ciàm'n ad cuntìnuv cicìna e cicèṅ. Esénd che Renzo al gh'à da lauràr, al lasa la sò dóna in vacànsa da i sò genitōr, cun Sandro ch'al gh'à da tgnir-'g adrē e far-ag cumpagnìa.
In spiàgia al śōvan al gh dà la créma p'r al scutadùri, al gh dassùla 'l custùm par far-ag ciapàr méj al Sōl e al la pòrta a far di gir in barca. 'L è a 'l mâr a gh'è anc un bagnèṅ da la léngua lunga, Lino (Lino Toffolo), un culturìsta ch'a gh piàś far véd'r i sò mùscui a cal dóni (Massimo Vanni), al cònt Zagaria (Lino Banfi) insém a sò mujēr (Fiona Florence) e na napulitàna cun dla barba in dal grugn (Ria De Simone).
In vacànsa a gh'è anc la Rosy (Monica Guerritore), na śuvnòta milanéśa ch'a gh piàś Sandro mo chi lò al n gh fà minga a mènt parchè al s è inamurâ 'd sò cugnàda. Al ragàs ad nòt al và a scultàr ad nascòst in dla cambra dla Laura quànd chi lē la gusa cun sò fradèl, in di ucaśiòṅ in dua Renzo al cata 'l tèmp par na scapàda.
Culegamènt estéran
Remove ads
Wikiwand - on
Seamless Wikipedia browsing. On steroids.
Remove ads