From Wikipedia, the free encyclopedia
C'l artìcul chè 'l è scrit in Miranduléś |
Gl′Helloween i èṅ un grup heavy metal tedésc 'd Ambûrg mis in pē fra 'l 1983 e 'l 1984 ch'al sòna al gènar "power metàl" cantànd in Ingléś. I gh fànan part Andi Deris (ch'l à tòlt al pòst dla vóś stòrica dal grup, Michael Kiske), Michael Weikath (chitàra), Sascha Gerstner (chitàra), Markus Großkopf (bas) e Daniel Loeble (baterìa).
Da la sò fundasiòṅ a gnir a 'dès, la banda l'à fat catàr in di negòsi tréd'ś àlbum da studi, tri lavōr da 'l viṿ, tri EP, vint-siē sìngui e l'à vindû da piò ad sinc migliòṅ ad disc in tut al mónd.
Dòp soquànt cambiamènt ad furmasiòṅ, in dal 1984 al grup al sarnìs al nóm definitìṿ 'd Helloween a 'l pòst 'd Ironfist di inìsi e 'l incìd dū canti par la cà discugràfica Noise Records, Oernst Of Life e Metal Invaders. In dal 1985 a vèṅ fóra 'l EP Helloween e pò al prim disc dal grup, Walls of Jericho, cun al chitarìsta Kai Hansen a la vóś. P'r al fat che chi lò al gh'is di prubléma a cantàr e sunàr a la stésa manéra, al grup al decìd ad pascàr un cantànt a tèmp pîṅ da śuntàr-ag e 'l al cata in Michael Kiske, 'n amburghéś ad daśdòt an.
Insém a lò i rigìstran tri disc da studi, in mèś a i quài i gh'èṅ i dū Keeper of the Seven Keys dal 1987 e dal 1988, fra i più impurtànt di Helloween.
In dal 1990 al grup al firma par quéi dla EMI faghénd gnir fóra sèg Pink Bubbles Go Ape 'l an dòp, ma 'l disc, cun Michael Kiske incóra a la vóś, al gh'à un riscòntar dimóndi fiàp.
In dal 1995 al grup al patìs un dispiaśér fòrt parchè al sò ex baterìsta Ingo Schwichtenberg al s masa butànd-as sóta 'n tréno. Par lò gl’Helloween i fànan gnir fóra in dal 1996 al disc The Time of the Oath. Dòp dū disc dimóndi péś (Better Than Raw dal 1998 e The Dark Ride dal 2000), Uli Kusch e Roland Grapow i èṅ custrét via mail a mulàr al grup par vulér ad Michael Weikath, al leader stòric.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.