From Wikipedia, the free encyclopedia
C'l artìcol chè 'l è scrit in Carpśàn |
La frōda[1] (fodera in itagliàṅ) l'è na cuaciadùra ed stófa, più o meno sustgnùda, ch'la stà tachèda a soquànti tapisrìi, cum al stramâs e i cusèin, al divàṅ el pultròuni, o anc tachèda a 'l dedàinter ed soquànt vistî, c'm'a s pōl catèr a 'l intèren ed serti brèghi, 'd serti vésti e in dal giachi, per dèr-egh più 'd elegànsa e cuacèr méj el cuśdùri che altrimèinti i se vdrèven in dl arvèrs.
El frōdi i vinen cuśìdi a 'l arvèrsa ed soquànt vistî, sia per fèri bliśghèr méj atàc a 'l corp, che per tgnìregh più 'd cheld. I pólen èsr ed séda, cupri, polièster, poliamìda, viscóśa, lana, e cutòun felpê.
In dal dedàint'r ed soquànt vistî a s cata anc dal frōdi ch'i gh'àpien da tgnìr dimòndi cheld, c'ma in di capôt e giubôt per 'l invèren, per i paéś dal Nord, e dòunca el frōdi i sràn ed pēl, ed pelìsa, finta e vera. El frōdi i s caten anch in dal dedàinter ed soquànt stivàj, ed schèrpi ed lùs, ed borsi per sgnōra, ed valìśi e via descurènd.
El frōdi di stramâs e di divàṅ egl'ìn sovertùt fati ind un tisû sustgnû, méj s'l è 'd cutòun, ad armadùra uvrèda, e ch'i gh'pósen èser cuśìdi adôs o ès'r-egh sulèdi atâc cun dal sernéri, di ptòun, e anc dal velcher.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.