Denise Richards

Miranduléś

C'l artìcul chè 'l è scrit in Miranduléś

La Denise Lee Richards, cgnusùda méj cuma Denise Richards (Downers Grove, 17 ad Favràr dal 1971), l'è n'atōra e mudèla americàna. In dla sò caréra l'à tòlt part a soquànti séri televiśìvi cuma Beverly Hills 90210, Melrose Place, Friends, Blue Mountain State e Twisted.

In di an Dumìla l'è stada spuśàda cun 'l atōr Charlie Sheen, avénd-ag sèg dū fiōli, e la gh'à abû na relasiòṅ anc c'n al chitarìsta di Bon Jovi Richie Sambora.

Biugrafìa

Nada in Illinòis, la Denise la và a star c'n i suo in Califòrgna quànd la gh'iva quìnd'ś an. In dal Golden State la taca a lauràr cuma mudèla e a tōr part a soquànt telefìlm e videoclìp muśicài. La cata 'l sucès a la fiṅ di an Nuànta faghénd Starship Troopers - Fanteria dello spazio ad Paul Verhoeven e la purcùsa in dal thriller Sex Crimes - Giochi pericolosi.

In dal 1999 la fà la Bond girl in Il mondo non basta pò in dal 2001 la gira 'n film ad scarésa intitulâ Valentine - Appuntamento con la morte. In dal 2002 la lavóra cun Ben Affleck e Matt Damon in dla cumèdia Duetto a tre méntar 'l an dòp la tōś part a Love Actually - L'amore davvero e a la parudìa 'd cretinìśia Scary Movie 3 - Una risata vi seppellirà.

Filmugrafìa

1993 - Palle in canna (Loaded Weapon 1), regìa ad Gene Quintano
1994 - Lookin' Italian, regìa ad Guy Magar
1994 - Tammy and the T-Rex, regìa ad Stewart Raffill
1997 - Ecstasy Generation (Nowhere), regìa ad Gregg Araki
1997 - Starship Troopers - Fanteria dello spazio (Starship Troopers), regìa ad Paul Verhoeven
1998 - Sex Crimes - Giochi pericolosi (Wild Things), regìa ad John McNaughton
1999 - Bella da morire (Drop Dead Gorgeous), regìa ad Michael Patrick Jann
1999 - Il mondo non basta (The World Is Not Enough), regìa ad Michael Apted
1999 - Tail Lights Fade, regìa ad Malcolm Ingram
2001 - Valentine - Appuntamento con la morte (Valentine), regìa ad Jamie Blanks
2001 - Posta del cuore, regìa ad Steve Rash
2002 - Empire - Due mondi a confronto (Empire), regìa ad Marc Reyes
2002 - Undercover Brother, regìa ad Malcolm D. Lee
2002 - Duetto a tre (The Third Wheel), regìa ad Jordan Brady
2002 - You Stupid Man, regìa ad Brian Burns
2003 - Love Actually - L'amore davvero (Love Actually), regìa ad Richard Curtis
2003 - Scary Movie 3 - Una risata vi seppellirà (Scary Movie 3), regìa ad David Zucker
2004 - Yo Puta, regìa dla María Lidón
2004 - Se ti investo mi sposi? (Elvis Has Left the Building), regìa ad Joel Zwick
2005 - Edmond, regìa ad Stuart Gordon
2007 - Blonde and Blonder, regìa ad Dean Hamilton
2008 - Jolene, regìa ad Dan Ireland
2009 - Hollywood - Un sogno a luci rosse (Finding Bliss), regìa dla Julie Davis
2009 - Kambakkht Ishq, regìa ad Sabir Khan
2010 - Ragazze da sballo (Deep in the Valley), regìa ad Christian Forte
2011 - Cougars Inc., regìa ad K. Asher Levin
2012 - Madea's Programma Protezione Testimoni (Madea's Witness Protection), regìa ad Tyler Perry
2012 - Freeloaders, regìa ad Dan Rosen

Culegamènt estéran

(EN) Filmugrafìa in s'l IMDb

Wikiquote contiene citazioni di o su Denise Richards
Wikimedia Commons contiene file multimediali su Denise Richards