From Wikipedia, the free encyclopedia
C'l artìcul chè 'l è scrit in
Miranduléś |
La Bernarda Pera (Śara, 3 ad Dicémbar dal 1994, a s lèś /bərˈnɑːrdə ˈpɛrə/ in ingléś) l'è na tenìsta americàna nada e carsùda in Cruàsia.
In dla sò caréra in dal sircùit ITF l'è stada bòna ad vìnsar siē tìtui in tut, dū di quài ad fila in dal Śugn dal 2013 in Ulànda (turnèo da déś-mila dòlar). L'è rivàda a èsar la nùmar 236 dal mónd al 27 ad Luj dal 2015.
A gh piàś andàr in gir in bicicléta e star in spiàgia.
La Pera Bernarda la taca a maduràr in dal 2011 quànd la s fà i òs pistànd i camp ad soquànt turnèo ITF. In d'l Avrìl dal 2012 la riva par la prima vòlta in semifinàl in qvél ad Lèśna (ìśula dla Dalmàsia) e subìt dòp la śōga anc na finàl a Ból. In Śugn e Utóbar la fà incóra na finàl a Sarajēv e a Salóna.
In dal 2013 a pâr incóra ch'la n sia minga bòna ad srar al partìdi in di incóntar deciśìṿ parchè la Pera la s piànta incóra in dal finàl ad Madrid (nùmar dū) e ad Ból, in dua la pèrd in tri sét. In Maǵ la và a śugàr 'n ITF da sènt-mila dòlar a Praga e la pasa 'l qualificasiòṅ ma pò la pèrd a 'l prim tùran da l'Elina Svitolina par 1-6 6-3 4-6. La Bernarda la pōl far fèsta finalmènt in tèra ulandéśa parchè la gh la cava a mét'r-as in bisàca tri tìtui, a Alkmaar, a Bréda e a Ròtterdam.
In dal 2014 la gh'à 'n brut inìsi ma pò in Avrìl la fà suo 'n ITF da déś-mila dòlar in sal cimènt in dal Régn Unî. In Śugn pò la vins incóra a Bréda baténd la braśigliàna Beatriz Haddad Maia par 6-1 7-6. A gl'US Open la próa a qualificàr-as ma la céd a la Mirjana Lučić-Baroni in tri sét. In Utóbar la bat l'Anna Tatishvili in 'n ITF da sinquànta-mila dòlar.
La tenìsta americàna la próa a śugàr di ITF più impurtànt a 'l inìsi dal 2015 ma la Pera la fà védar 'd ès'r incóra 'n pôc aśèrba parchè la fà fadìga a pasàr 'l qualificasiòṅ e quànd la 'l fà la và fóra subìt cuma cun l'Asia Muhammad a Plantation. In Śugn la śōga dū semifinàli in dū ITF da vintsìnc-mila dòlar, pò la fà àtar tant in Itàglia a Turèṅ e a Iommla ma chè la gh la cava pò a mét'r-as in bisàca 'l tìtul faghénd acsè al sò best ranking dla caréra (236 dal mónd).
In dal 2016 a Pelham, ITF da vint-sinc mila dòlar, la riva in finàl baténd la Melanie Oudin 6-2 6-3 e la Taylor Townsend 2-6 7-5 7-5 ma lasànd strada a 'l ùltim a la Grace Min par 4-6 4-6. In Utóbar a Redding la céd in semifinàl in tri set a la canadéśa Françoise Abanda.
In dal 2017 la riva in finàl a Santa Margarìta 'd Pula (ITF n.2 e n.4) pardénd prima da la Bianca Andreescu par 7-6 2-6 6-7 e pò da la Georgia Brescia par 1-6 2-6. In Istâ la vins al tìtul su tèra a Stucàrda dand un 6-4 6-4 a l'Anna Zaja pò la fà suo anc al turnèo ITF da utànta-mila dòlar 'd Olomouc vinsénd in tri partìdi cun la pardòna 'd cà, la Kristýna Plíšková. A la fiṅ d'l an la fà i quàrt a Poitiers (3-6 5-7 da l'Alison Van Uytvanck) e la semifinàl a Nantes (6-4 4-6 1-6 da la Kaia Kanepi) srand acsè la stagiòṅ a la 127śma puśisiòṅ.
In dal 2018 la tōś part a gl'Australian Open da pardènta furtunàda e a Melbourne l'è bòna 'd bàtar l'Anna Blinkova par 6-2 6-2 e la Johanna Konta par 6-4 7-5 par pò andàr fóra a 'l tèrs tùran pardénd da la Barbora Strýcová par 2-6 2-6.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.