Torbidi delitti
From Wikipedia, the free encyclopedia
Swamp Murders | ||
Torbidi delitti | ||
Delìt tórbad 2013/incō | ||
---|---|---|
Gènar: Docufiction | ||
Stagiòṅ: 5 | ||
Epiśòdi: 46 | ||
Regìa: Scott Thigpen • David Moore • Georgia Tanner | ||
Scritōr: Bruce Kennedy • Kellen Hertz • Kaylan Eggert | ||
Atōr: Tony Folden • Glenn Allen • Jyn Hall | ||
Mùśica: Michael Schleibaum • Sean Baillie | ||
Duràda: 45 minùt | ||
Léngua: Ingléś | ||
Nasiòṅ: Stat Unî |
C'l artìcul chè 'l è scrit in Miranduléś |
Torbidi delitti (Delìt tórbad) l'è na docufiction americàna dal canàł Investigation Discovery ch'la dascór ad fat ad sangṿ sucès dabòṅ in dla pruìnsa di Stat Unî in du i cadàvar dal vitmi i èṅ stâ lugâ in pòst salvàdag dla natùra difìcii da catàr, fra padól e bòsc, in mèś a 'n fitùm 'd àlbar quaciâ 'd musć e spróc dapartùt, caradòṅ stric, puci, erbàsa, śmalta, àqui tórbdi, canài periculóś e sintēr ch'i n pòrt'n in ninsòṅ sit.
Dagnóra tut i masamènt cuntâ in dal prugràma i èṅ stâ fat in dal sud fónd, a Dixie, fra Flòrida, Tèxas, Luiśiàna, Missisìpi e Alabàma.
Dal prugràma i èṅ stadi giràdi sinc stagiòṅ par sinquànta puntàdi a 'l incìrca.
In Itàglia la série l'è traśmìsa p'r i canài dal grup Discovery Italia cuma Giallo e Nove.
In dal prugràma i persunàǵ dal stòri i èṅ interpretâ da di atōr e 'l vicéndi i èṅ cuntàdi in vóś da 'n óm ch'al cònta i fat (in Itàglia ardupiâ par Roberto Draghetti). Méntar la stòria la và avànti, dal vòlti da studi i tōśan la paròla anc di parènt o di amìg dla vitma e da drē chi lōr i gh'aṅ na figùra vérda 'd un padól ch'al gh fà da sfónd. Anc i pulisiòt ch'i aṅ purtâ avànti gl'indàśin i cònt'n incòsa durànt la traśmisiòṅ.
A la fiṅ dla puntàda a s vîṅ a savēr anc quàl è stada la punisiòṅ dada da i giùdas p'r al crìmin fat.