From Wikipedia, the free encyclopedia
 Son frère | ||
 Bruno Todeschini in na figùra dal film | ||
| Sò fradèl 2003 | ||
|---|---|---|
| Regìa: Patrice Chéreau | ||
| Scritōr: Anne-Louise Trividic Philippe Besson • Patrice Chéreau | ||
| Atōr: Bruno Todeschini • Nathalie Boutefeu Éric Caravaca • Maurice Garrel • Catherine Ferran Fred Ulysse • Antoinette Moya • Sylvain Jacques | ||
| Müsica: Marianne Faithfull | ||
| Léngua: Francéś | ||
| Dürä dal film: 92 minüt | ||
| Nasiōṅ: Frància | ||
Miranduléś|
C'l artìcul chè 'l è scrit in
Miranduléś |
Son frère (Sò fradèl) 'l è 'n film dramàtic dal 2003 ad Patrice Chéreau.
'L è stâ preśentâ a 'l 53śum Fèstival ad Berlîṅ in du 'l à vins 'l „Ōrs 'd Òr“ par la regìa.
Thomas (Bruno Todeschini) e Luc (Éric Caravaca) i èṅ dū fradèi ch'i stànan e i lavór'n a Parì. Al prim al fà 'l gràfic ad computer e 'l è ligâ a la Claire (Nathalie Boutefeu), al secónd 'l è 'n insgnànt fnòć ch'al gh'à na relasiòṅ cun Vincent (Sylvain Jacques). Chi lōr i n s védan minga tant ma 'l ròbi i càmbian quànd a Thomas i gh càt'n un brut mâł dal sànguv esénd ch'al sò còrp al fà fadìga a far al piastrìni. Luc 'l è custrét acsè a tgnir-'g adrē anc parchè sò màdar (Antoinette Moya) e sò pàdar (Fred Ulysse) i n èṅ minga bòṅ ad dar afèt, inóltar la muróśa ad sò fradèl la s tira indrē dagnóra subìt.
La dutóra ch'la 'l cura (Catherine Ferran) la decìd ad ricuveràr-'l a 'l uśdàł faghénd-ag far na terapìa ad curtiśòṅ che però la n gh fà minga efèt acsè cuma n'uperasiòṅ a la pansa. Thomas al decìd ad dar-'g un taj e 'd pasàr na vacànsa su 'lÌśula 'd Ré insém a Luc. Quànd al gh'à 'n mancamènt p'r un śbóc ad sangṿ, stuf ad far na vita 'd patimènt, al decìd ad tōr-as la vita. Un dè al và dènt'r a 'l Ucéan Atlàntic e al la fà finìda, andànd via cuma in na canta di Cure.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
