 Sans toit ni loi | ||
| Senza tetto né legge | ||
 La Bonnaire e la Macha Méril in na figùra dal film | ||
| Sénsa téǵ e gnanc léǵ 1985 | ||
|---|---|---|
| Regìa: Agnès Varda | ||
| Scritōr: Agnès Varda | ||
| Atōr: Sandrine Bonnaire • Macha Méril • Joël Fosse Stéphane Freiss • Yolande Moreau • Setti Ramdane Christophe Alcazar • Patrick Schmit • Sylvaine Berger | ||
| Müsica: Joanna Bruzdowicz | ||
| Léngua: Francéś • Àrab • Ingléś | ||
| Dürä dal film: 105 minüt | ||
| Nasiōṅ: Frància | ||
Miranduléś|
C'l artìcul chè 'l è scrit in
Miranduléś |
Senza tetto né legge (Sénsa téǵ e gnanc léǵ) 'l è 'n film dramàtic dal 1985 dl'Agnès Varda ch'l à vins al „Lèòṅ 'd Òr“ a 'l 42śum Fèstival ad Venèsia.
In Frància 'l à fat sù al 36śum incàs più grand d'l an muciànd sù da piò 'd un migliòṅ ad spetadōr.
Sunt
In un paiśèṅ dla Frància dal sud un maruchèṅ ch'al lavóra in di camp (Setti Ramdane) al cata un dè in un fòs al còrp sénsa vita dna sénsa téǵ vagabónda bòṅdagnìnta mòrta 'd fréd, la Mona Bergeron (Sandrine Bonnaire). Ninsòṅ a vōl indrē 'l sò còrp par saplìr-al e la pulisìa la próa a savēr-an da piò su 'd lè andànd a dmandàr in gir dgl'indurmasiòṅ a la gint ch'al gh'à abû a che far sèg.
Chi lē na vòlta la fava la segretària ma pò la s è stufàda dal règhli e 'd lauràr e la s è misa a far la barbóna andànd cun la sò ténda a dmandàr in gir di bcòṅ ad paṅ, di cichét e dal magnàr par pò fargàr tut qvéi ch'i la jùtan. A 'l caśàr filòśuf Jean-Pierre (Stéphane Freiss), ch'al s è mis a tgnir dal cavri insém a sò mujér Eliane (Laurence Cortadellas), la gh pòrta via dal furmàj par vénd'r-al a na scaja 'd strada (Michèle Doumeche). A la vècia Lydie (Marthe Jarnias) e a la sò badànta Yolande (Yolande Moreau) la gh śgranfgna di cuciàr 'd argìnt. C'n al barbòṅ David (Patrick Lepcynski) la gh astà sōl par far-as dal cani sèg, pò la cgnós na prufesōra ch'la stùdia i plàtan, la sgnōra Landier (Macha Méril), ch'la gh còmpra dal frapi anc se par pôc la gh armagnìva séca in màchina parchè la spusàva cuma 'n éndas.
Prima 'd murìr la và a vìvar p'r un pôc c'n al tuniśèṅ Yahiaoui Assouna (Yahiaoui Assouna) ch'al pōda 'l piànti ma pò la gh'à da lasàr la cà quànd i tórnan di àtar lavuradōr ch'i n la vōlan minga.
Culegamènt estéran
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
