![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/Kone_med_stor_struma.jpg/640px-Kone_med_stor_struma.jpg&w=640&q=50)
Magòtt
From Wikipedia, the free encyclopedia
Artìcol in dialët piaṡintëin
![Thumb image](http://upload.wikimedia.org/wikipedia/commons/thumb/4/43/Kone_med_stor_struma.jpg/640px-Kone_med_stor_struma.jpg)
Magòtt a l’é un suarnum tradisiunäl ca i piaṡintëin i g' dan a ché lur ch' i stan apena a nord dal Po e pö ad tüt ai ludṡan dal Basso Lodigiano. Ad solit a s' crëda ca cun cul num ché a s' ia tudìva in gìr parchè, par via d'la puërtä, i mangiävan admè la pulëinta, ca la g' fäva vegn al gòṡ in sal còl (al magòtt), una malatia c' la vegna par mancansa ad iodio in d' l'alimentasion. A dì la vritä, l'alimentasion di ludṡan a l'era mia bota diversa da cula di piaṡintëin, e al suarnum al vegna da "magunëin", l'organ ca gh'é dëintar la gula dil galëini (e di uṡéi in generäl). A völ dì ca i ludṡan i en gint c' la väl gnint, tant cmé s' i fisan i scärt ad la galëina.
Par rispondag, i ludṡan i g'han sëimpar dit pesgat da l'ostrega ai piaṡintëin, par dì ca i en d' la gintäia e di delinquëint.