La tarantola dal ventre nero
From Wikipedia, the free encyclopedia
La tarantola dal ventre nero | ||
La Barbara Bouchet in na figùra dal film | ||
La taràntla da 'l vèntar négar 1971 | ||
---|---|---|
Regìa: Paolo Cavara | ||
Scritōr: Marcello Danon • Lucille Lukas | ||
Atōr: Giancarlo Giannini • Stefania Sandrelli Claudine Auger • Barbara Bach • Barbara Bouchet Silvano Tranquilli • Rossella Falk • Ezio Marano Eleonora Giorgi • Annabella Incontrera • Anna Saia Eugene Walter • Nino Vingelli • Giancarlo Prete | ||
Müsica: Ennio Morricone | ||
Léngua: Itagliàṅ | ||
Dürä dal film: 100 minüt | ||
Nasiōṅ: Itàglia • Frància |
C'l artìcul chè 'l è scrit in Miranduléś |
«
Cun na gùcia mója ad vlèṅ al vitmi i èṅ paraliśàdi acsè i gh'aṅ 'd armàgnar daśdàdi par véd'r-as murìr!»
(Tagline dal film)
La tarantola dal ventre nero (La taràntla da 'l vèntar négar) 'l è 'n film śal dal 1971 ad Paolo Cavara.
A 'l èstar 'l è cgnusû anc c'n i nóm ad Black Belly of the Tarantula in di marcâ ingléś, Tarentule au ventre noir in Frància e La Tarántula del vientre negro in Spaggna.
Sunt
Al cumisàri Tellini (Giancarlo Giannini) al gh'à 'd andàr-'g a fónd par vgnir a cap dal masamènt in dla sò vila dla śóvna Maria Zani (Barbara Bouchet), mujér ad Paolo (Silvano Tranquilli), una ch'l'iva patî un ricàt par via ad soquànti sò foto in dua l'éra stada tòlta śò insém a 'n sò amànt. In séguit anc la Mirta Ricci (Annabella Incontrera), ch'la gh'à 'n negòsi ad plisi, la vèṅ cupàda a la stésa manéra, sbudlàda viva dòp ès'r armàśa paraliśàda da na gùcia insfilsàda in dal cupét, cum la fà anc la vrèspa quànd la mét i sò óṿ in dla pansa dla taràntla.
Al sgnór Zani al decìd ad pagàr 'n investigadōr privâ, Catapulta (Ettore Mattia), par vgnir a savér chi 'l fus 'l amànt ad sò mujér pròpria méntar dgl'atri dóni, cliénti 'd al sèntar ad belésa dla Laura (Claudine Auger) cuma 'l primi dū, i vènan masàdi.
Tellini 'l è dimóndi śò, al n sà da che pàrt tacàr, ma sò mujér Alba (Stefania Sandrelli) la gh fà curàǵ.
Culegamènt estéran
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.