![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/eml/thumb/3/37/Sanguinaria.png/640px-Sanguinaria.png&w=640&q=50)
La sanguinaria
From Wikipedia, the free encyclopedia
![]() cgnusû anc cuma Gun Crazy | ||
La sanguinaria | ||
![]() La Peggy Cummins in na figùra dal film | ||
La sangvinària 1950 | ||
---|---|---|
Regìa: Joseph H. Lewis | ||
Scritōr: MacKinlay Kantor Dalton Trumbo • Millard Kaufman | ||
Atōr: Peggy Cummins • John Dall • Harry Lewis Berry Kroeger • Morris Carnovsky • Anabel Shaw Nedrick Young • Trevor Bardette • Virginia Farmer | ||
Müsica: Victor Young | ||
Léngua: Ingléś | ||
Dürä dal film: 87 minüt | ||
Nasiōṅ: Stat Unî |
C'l artìcul chè 'l è scrit in
Miranduléś |
La sanguinaria (La sangvinària) 'l è 'n film noir dal 1950 ad Joseph H. Lewis su na senegiadùra 'd MacKinlay Kantor e 'd Dalton Trumbo.
La pelìcula l'è stada sarnìda dal 1998 da 'l National Film Registry dla bibliutéca dal cungrès di Stat Unî p'r èsar tgnuda dacàt.
Sunt
Bart Tare (John Dall), èx militàr c'n un pasâ in rifurmatòri p'r avēr rubâ na pistòla da baghét, fiṅ da pìcul 'l è carsû cun la pasiòṅ par gl'armi da fōg anc s'al n gh l'à mai cavàda a druàr-li par masàr da quànd, śugànd, 'l iva cupâ 'n pulśèṅ. Dòp soquànt an al decìd ad turnàr in dal paéś in du 'l è nâ e in du a gh viṿ incóra sò surèla più granda, la Ruby (Anabel Shaw), ch'la gh tgniva adrē quànd 'l éra 'n putèṅ.
Na sira, insém a i sò amìg Dave Allister (Nedrick Young) e Clyde Boston (Harry Lewis), al decìd 'd andàr a véd'r un spetàcul in du a gh'è na ragàsa ciamàda Annie Laurie Starr (Peggy Cummins) ch'la fà di nùmar cun na pistòla. Fra i dū a nas subìt quèl e la dóna la decìd ad mulàr al sò cap inamurâ 'd lē, Packett (Berry Kroeger), par métar-'s insém a Bart e pò spuśàr-al.
Dòp al matrimòni però la dóni la taca a lamintàr-as cun sò marè parchè la s è stufàda dna vita 'd miśèria. A n sèrt punt la gh diś ch'la vōl tacàr a far dal rapìni insém a lò e che, se lò al s tirìs indrē, lē l'andrà via par sèmpar. Un pò malvluntéra, Bart al decìd ad star-ag.