![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/eml/thumb/3/34/Promessa_dell%2527assassino.png/640px-Promessa_dell%2527assassino.png&w=640&q=50)
La promessa dell'assassino
From Wikipedia, the free encyclopedia
![]() | ||
La promessa dell'assassino | ||
![]() Mortensen e la Naomi Watts in na figùra dal film | ||
La prumésa dal sasèṅ 2007 | ||
---|---|---|
Regìa: David Cronenberg | ||
Scritōr: Steven Knight | ||
Atōr: Viggo Mortensen • Naomi Watts • Josef Altin Vincent Cassel • Armin Mueller-Stahl • Tony Cook Raza Jaffrey • Radoslaw Kaim • Donald Sumpter | ||
Müsica: Howard Shore | ||
Léngua: Ingléś | ||
Dürä dal film: 100 minüt | ||
Nasiōṅ: Stat Unî • Cànada • Régn Unî |
C'l artìcul chè 'l è scrit in
Miranduléś |
La promessa dell'assassino (La prumésa dal sasèṅ) 'l è 'n thriller dal 2007 ad David Cronenberg. Par cla pelìcula chè Viggo Mortensen 'l è stâ numinâ a i Prèmi Òscar dal 2008 cuma atōr prutagunìsta.
Custâ sinquànta migliòṅ ad dòlar, al film al 'n à pò catâ sù da piò ad sinquànta-siē.
Sunt
L’Anna Khitrova (Naomi Watts) l'è n'ustètrica cun di urìgini rusi ch'la viṿ a Lóndra insém a sò màdar, l’Helen (Sinéad Cusack). Un dè a 'l uśdàł i gh pòrtan na ragàsa ad quatórd'ś an ad nóm Tatiana (Sarah-Jeanne Labrosse) da uperàr in présia par far nàsar la sò putìna parchè la pèrd dimóndi sangṿ. La śuvnòta, cun di buś a i bras da drugàda, però la n scampa briśa a 'l cuntràri dla putìna ciamàda pò Christine.
L’Anna la cata in dal giachét dla Tatiana un diàri scrit in rus cun dènt'r un bijét c'n al nóm 'd un risturànt, al Trans-Siberian. Cardénd ad catàr-ag là i sò parènt la ragàsa la và a dascórar c'n al padròṅ, un sèrt Semyon (Armin Mueller-Stahl), che però 'l è a cap dn'urganiśasiòṅ criminàla ciamàda Vory V Zakone. 'L è stâ lò a mét'r insìnta la Tatiana ch'la fava part dal sò harem persunàł e 'l éra sò fiōl Kirill (Vincent Cassel) ch'al gh'iva 'l incàr'g ad purtàr-an sèmp'r ad nóvi.
Nikolai Luzhin (Viggo Mortensen), 'l autìsta ad Kirill, al la pòrta a cà. In dal diàri a gh'è scrit incòsa e quànd sò sîṅ Stepan (Jerzy Skolimowski), 'n ucraîṅ èx agìnt dal KGB, 'l al lèś a s vîṅ a savēr che la pòvra Tatiana l'éra finìda in dal gir dla màfia rusa.