Kalthon
From Wikipedia, the free encyclopedia
Seed of Destruction | ||
Kalthon | ||
Martin Landau in na figùra dal telefìlm | ||
id. 1976 | ||
---|---|---|
Gènar: Fantasiénsa | ||
Stagiòṅ: 2 | ||
Epiśòdi: 13 | ||
Regìa: Kevin Connor | ||
Scritōr: John Goldsmith | ||
Atōr: Martin Landau • Barbara Bain • Nick Tate Catherine Schell • Tony Anholt • Zienia Merton | ||
Mùśica: Derek Wadsworth | ||
Duràda: 52 minùt | ||
Léngua: Ingléś | ||
Nasiòṅ: Régn Unî • Stat Unî |
C'l artìcul chè 'l è scrit in Miranduléś |
Kalthon (id.) 'l è 'l tredicéś'm epiśòdi dla secónda série dal telefilm Spazio 1999 (Spasi 1999) dirèt par Kevin Connor e ambintâ 1608 dè dòp al dastàc da l'òrbita dla Tèra. 'L è stâ prudót par la britànica ITC cun 'l ajùt ad Fred Freiberger e di sò bèsi americàṅ.
La senegiadùra 'l è ad John Goldsmith. Al telefilm 'l è stâ pò girâ in dal Luj dal 1976. 'L è stâ traśmìs par la prima vòlta in televiśiòṅ 'l 11 ad Nuvémbar dal 1976.
Trama
John (Martin Landau) 'l è drē a espluràr insém a Alan (Nick Tate) 'n asteròid cristalèṅ ch'al gh'à dl'ària ch'a s pōr respiràr. Su l'Àquila a gh'è 'n incidènt tècnic e mént'r al piòta al próa a giustàr-la, al cmandànt al s insfìls' in na gròta p'r andàr a védar. Tut 'd un trat a partìs un ciòc acût ch'al śbraga gl'uréci pò da 'n spèć a salta fóra 'n óm cumpàgn a Koenig che tucànd-'l a gh fà pèrd'r i sèns. Cla figùra lè la tōś al sò pòst quànd a gh'è da turnàr su Alpha.
'L aglièṅ al diś a qvéi dla baś ch'un camp energètic uriginâ da 'l asteròid 'l è 'n perìcul p'r Alpha dònca a gh'è da distruś'r-al bumbardànd-al cun di raś 'd energìa. La Maya (Catherine Schell), da siensiàda, la gh'à di dubi ch'a sia na bèla idéa anc parchè a gh cala di elemènt par decìdar bèṅ. Al cmandànt al n in vōl savēr e al gh diś ad srar-'s in dal sò cambra ma anc Tony (Tony Anholt) a taca a pinsàr ch'a gh sia quèl ch'a traśa.
In cal méntar John, qvél véra, al taca a dascórar cun na vóś ch'la gh fà véd'r al cōr ad Kalthon: al cristàl d'l asteròid 'l è qvél ch'a gh'è armàś dna galàsia luntàna spasàda via da 'n sōl négar. Tuta la vita 'l éra stada misa in na scménsa ch'la spèta sōl ad ciapàr dimóndi energìa par turnàr a vìvar anc se cl'energìa lè la sarvìs a Alpha par campàr.
Tucànd la maṅ d'l aglièṅ, l’Helen (Barbara Bain) la sènt ch'l'è fréda ślada cuma dal giàs e la s persuàd che la Maya e Tony i gh'aṅ ragiòṅ méntar Carter invéci 'l è da la sò banda.