![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/Modena-Ghirlandina.jpg/640px-Modena-Ghirlandina.jpg&w=640&q=50)
Ghirlandèina
From Wikipedia, the free encyclopedia
C'l artìcul chè 'l è scrit in
Mudnés |
![Thumb image](http://upload.wikimedia.org/wikipedia/commons/thumb/6/6a/Modena-Ghirlandina.jpg/320px-Modena-Ghirlandina.jpg)
La Ghirlandèina l'è al nàm d'al campanil d'al Dòm ed Modna. L'è èlta 86 meter e 12 zentimeter, e l'as vèd da tot al pèrti ed'la zitê, e as pôl dir ch'la sia al simbol ed Mòdna piò gnusû. L'è parte ed la Piaza Grand ch'le un patrimoni d'l'umanitê d'l'UNESCO.
Prèmma la-s ciameva Torre ed San Zemiàn, quadreda e ed zinc piàni, tireda sò in dal 1179. Dàp, i l'an tireda sò ancàra (anch per ferla piò elta dal tàrri ed Bulàgna) e i gh'an zuntê la punta ottagonèl ed stil gòtic, disegnèda da Arrigo da Campione. La punta l'è orneda da do ghirlandi, do ringheri ed mèrm, chi eg dàn al nàm.
Deinter as es trova la Sala d'la Sèccia (cun di affresch dal Quaterzeint) in du a ghè la Sèccia rapita: una voltà ché a ghera al tesor dal comun ed Mòdna.
La Ghirlandeina vistida
![Thumb image](http://upload.wikimedia.org/wikipedia/commons/thumb/0/07/Ghirlandina_vestita.jpg/640px-Ghirlandina_vestita.jpg)
La poesia d'la Ghirlandèin l'as-es trova in dal cartuleini ed Mòdna.
Al comun l'a restaurê la torre: i lavor i an tachê in dal dicember 2007 par finir in dal 2010. Durant tot al teimp, l'è steda cuverta da un disegn dal scultor Mimmo Paladino che a dimandi gint l'an pies menga.
Ghirlandèina in d'Art
Poesia
Canzòun
Cùma t'é bèla, chèra Ghirlandèina,
T'em pèr un quel d’insàni, una vision!
Bianca, in tla préma lus ed la matèina,
T'em pèr un’urazioun.
Rit. Ghirlandèina, véta mia,
T’é por bèla, csa t’em piès!
Vè che tarr! Che maravia!
Ciàpa, to’, ch’at bott un bès!
Bianca, slanzèda, cun la punta al zél
Al campanoun ch’al t’fa totta termer
Guardian piò vigilant e piò fedel
An gh’è dobbi cater
Dal bianchi balaostri, pò... che vésta!
La zitè satta, i mount e al mèr luntan
Du fiòmm luseint, i camp in bèla vésta:
La tèra di zemiàn.»
C'l artìcul chè 'l è scrit in
Pramsân |
![Thumb image](http://upload.wikimedia.org/wikipedia/commons/thumb/6/6a/Modena-Ghirlandina.jpg/320px-Modena-Ghirlandina.jpg)
La Ghirlandén'na l'è al nàm dal campanil dal Dòm ed Modna. L'è èlta 86 metèr e 12 centimeter, e l'as vad da tot al pert ed'la zitè.
I-an tachè a tirerla sò (costruirla) in dal 1179, e i-an fini dàp piò ed duseint ann.
In sô ōnór, l'è stèda fàta nà famosisima poesia, cla' s'cata de spèss sora i cartolen'ni, e anca una cansòn.