Francesco Griffo
From Wikipedia, the free encyclopedia
C'l artìcol chè 'l è scrit in
Carpśàn |
![Thumb image](http://upload.wikimedia.org/wikipedia/commons/thumb/f/f8/Bembo-originalschnitt.jpg/320px-Bembo-originalschnitt.jpg)
Fransèsc Griffo o Griffi, cgnusû anc c'ma Fransèsc ed Bulògna (Bulògna, vers al 1450 – lè, intór'n a 'l 1518) 'l era stê 'n tipòraf e disgnadōr itagliàn ed caràter tipogràfic. In dal 1475 'l era a lavurèr a Pèdva e 'l fèva di caràter gòtic p'r al tipògraf Pierre Maufer. In dal 1480 'l andèva invéci a lavurèr in Venésia. Al Griffo 'l a'rèv forgê sucesivamèint, p'r al Manùsi soquànt tip ed carâter român tònd e anca ed quī grèc; però masimamèint al dvintèva famōś p'r al sô caràter corsìv aldèin, anca ciamê itàlic, da lò invintê e druê per la prima volta in dal Virgìli dl'edisiòun aldèina dal 1501 e cupiê subìt anca fóra da l'Itâglia: difât cal caràter chè al permetìva a 'l stampadōr ed fèr stèr 'na quantitê più granda ed lèttri anca ind un spàsi più cìc.
![Thumb image](http://upload.wikimedia.org/wikipedia/commons/thumb/a/af/Livro-Aldus.jpg/640px-Livro-Aldus.jpg)
Al Griffo al custruirà anc di carâter p'r al Gershon Soncino, 'l Utaviàṅ Petrucci, al Bernardèin Stagnino e 'l Filìp Giunti. Turnê a Bulògna vèrs al 1515, al Griffo al perfesionèva i só caràter corsìv e 'l publichèva in dal 1516-17 dal bèli edisiòun ind un formê cìc, c'ma: 'l Canzoniere e i Trionfi 'dal Petrarca, l'Arcadia dal Sannaśêr, i Asolani dal Bembo, al Labirinto d'amore dal Boccaccio, eli Epistolae familiares dal Ciceròun e 'l Dictorum et factorum memorabilium dal Valèri Màsim.
Ed lùng ai sécol ch'a vgnìva dòp, i caràter che 'l Griffo 'l ìva dissgnê i gh'aràn na granda e lunga influèinsa in dl'êrt edla tipografìa.
Colegamèint estèren
- (IT) La só schéda in sìm'ala Treccani in ligna.