From Wikipedia, the free encyclopedia
C'l artìcul chè 'l è scrit in
Miranduléś |
La Françoise Abanda (Montreal, 5 ad Favràr dal 1997) l'è na tenìsta canadéśa ch'la dróa al bras dèstar e la tira 'l arvèrs a dū maṅ. L'è élta un mét'r e utànta.
L'è rivàda a èsar la nùmar duśènt-stantaquàtar dal mónd al 21 'd Avrìl dal 2014. In dla sò caréra l'à vins un tìtul ITF.
In dal 2012 la taca a śugàr di turnèo ad tènis a quìnd'ś an in d'l ITF ad Granby cun na carta salvàdga in maṅ pardénd a 'l secónd tùran da l'Eugenie Bouchard par 2-6 5-7. In Agóst la tōś part a 'l qualificasiòṅ dal WTA ad Montreal e lè la bat prima l'Alicja Rosolska e pò l'Irina Falconi ma a 'l ùltim l’Abanda la s fà da na banda cun la Sesil Karatančeva par 0-6 3-6. In Utóbar la riva in di utàṿ in d'l ITF da sinquànta-mila dòlar ad Saguenay in dua la céd a cl'atra canadéśa, la Sharon Fichman, par 4-6 2-6.
In dal 2013 la riva in di quàrt in soquànt turnèo ITF in gir p'r al mónd pardénd par dū vòlti cun la Melanie Oudin. 'L an dòp la vins subìt in Śnar un tìtul in d'l ITF da vintsìnc-mila dòlar a Pòrt Santa Luśìa in di Stat Unî baténd par 6-3 6-4 l'Heidi El Tabakh, canadéśa anca lē. In Favràr la riva da qualificàda in di utàṿ in d'l ITF da sènt-mila dòlar ad Midland pardénd da la Sofia Arvidsson par 4-6 4-6. In Mars la śōga 'l qualificasiòṅ dal Premier Mandatory ad Miami; dòp avér batû l'Anabel Medina Garrigues, la fà sudàr dimóndi anc la Kimiko Date-Krumm prima 'd cédar sèg par 6-7 6-4 4-6.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.