![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/15/Strychnos_toxifera_-_K%25C3%25B6hler%25E2%2580%2593s_Medizinal-Pflanzen-267.jpg/640px-Strychnos_toxifera_-_K%25C3%25B6hler%25E2%2580%2593s_Medizinal-Pflanzen-267.jpg&w=640&q=50)
Curâr
From Wikipedia, the free encyclopedia
C'l artìcul chè 'l è scrit in
Miranduléś |
![Thumb image](http://upload.wikimedia.org/wikipedia/commons/thumb/1/15/Strychnos_toxifera_-_K%C3%B6hler%E2%80%93s_Medizinal-Pflanzen-267.jpg/320px-Strychnos_toxifera_-_K%C3%B6hler%E2%80%93s_Medizinal-Pflanzen-267.jpg)
Al curâr 'l è 'n vlèṅ ch'a s tira fóra da 'l fój ad soquànti piànti e liàni dl'Amaśògna. Par far-'l a gh'è da bójar-li par soquànti vòlti in fiṅ tant ch'a gh'armàgn un lìquid scûr.
S'al finìs in dal sangṿ 'l è bòṅ ad paraliśàr tut i mùscui dal còrp e la mòrt la riva parchè a n s gh la cava piò a tiràr fiâ. Al sugèt 'l è lùcid, al capìs incòsa ma 'l n pōl far gnint, gnanc vèrar bóca. In madśìna al pōl sarvìr par dasténd'r i mùscui durànt gl'uperasiòṅ.
Descrisiòṅ
In dal XVI sécul gl'espluradōr ch'i daśvgnìvan da l'Europa i ìvan vdû ch'i salvàdag dal Perù, dal Bràśil, d'l Ecuadòr e dla Culómbia, quànd i andàv'n a casa, i druàv'n un vlèṅ in dal frési ciamâ Curari o Woorari (ch'in dla léngua dal pòst a vliva dir pròpria “vlèṅ”). La carna dal bèsti masàdi la sa psiva magnàr parchè in dal stómag al curâr al n è mia periculóś perchè i sûg gàstic i al dàsf'n in présia.