From Wikipedia, the free encyclopedia
![]() | ||
Caffeine | ||
![]() La Mena Suvari e Breckin Meyer in na figùra dal film | ||
Cafeìna 2006 | ||
---|---|---|
Regìa: John Cosgrove | ||
Scritōr: Dean Craig | ||
Atōr: Mena Suvari • Callum Blue • Mark Pellegrino Marsha Thomason • Roz Witt • Andrew Lee Potts Mike Vogel • Breckin Meyer • Sonya Walger Orlando Seale • Brian J. Watson • Daz Crawford | ||
Müsica: David Kitay | ||
Léngua: Ingléś | ||
Dürä dal film: 92 minüt | ||
Nasiōṅ: Stat Unî |
C'l artìcul chè 'l è scrit in
Miranduléś |
Caffeine (Cafeìna) l'è na cumèdia americàna dal 2006 ad John Cosgrove giràda a Los Angeles c'n un budget stimâ 'd sinc migliòṅ ad dòlar.
La Rachel (Marsha Thomason) l'è na padròna 'd un risturànt a Lóndra ciamâ “Gat négar” ch'la pòrta avànti insém a 'l sò muróś Charlie (Callum Blue), cap cōg, a Tom (Mark Pellegrino), ch'al juta in cuśìna, a la Vanessa (Mena Suvari), ch'la sarvìs a i tàvui, e a Dylan (Breckin Meyer), un śōvan ch'al vrév dvintàr scritōr e 'l spéta na rispòsta da 'n editōr par publicàr al sò prim lìbar. Quànd la Rachel la vîṅ a savēr che 'l sò ragàs al gh'à fat i còran, lē la 'l para via subìt ma prima la Vanessa la lasa inténdar ch'la s sia fata na gusàda cun Dylan par vindéta.
Al bar al s impinìs ad cliènt cuma la nunóna ciucàda in dla suca dla Vanessa, la Lucy (Roz Witt), e i dū amìg Danny (Mike Vogel), ch'al dascór sèmp'r ad pugnéti e 'd spinèi, e Mike (Andrew-Lee Potts), ch'al gh'à 'l magòṅ parchè la sò muróśa Laura (Katherine Heigl) la 'l à mulâ. P'r un caś dla vita chi lē la gh'à 'n apuntamènt a 'l scûr pròpria lè cun 'n àt'r óm, Steve (Daz Crawford), che però al n è minga qvél ch'a fà par lē esénd un casadōr magna-carna c'n al sćiòp in cà méntar lē l'è vegetariàna. Méntar Danny al dascór, al fà a mènt ch'in dal tàvul darènt a 'l suo a gh'è na biónda, la Gloria (Sonya Walger), che lò 'l à bèla vdû in un film pòran ch'la s fava dar a la granda in na gang bang. Al sò ragàs gelóś, Mark (Orlando Seale), al n la tōś minga tant bèṅ quànd 'l al sènt.
A 'n àtar tàvul John (Andrew Ableson) al dmanda ajùt a 'n sò amìg avucàt, David (Mark Dymond), ch'l è spuśâ cun na dóna ch'la 'l mét sèmpar sóta, l’Angela (Jules Leyser). John al gh cònta ch'l è finî in di guàj parchè un dè na putìna la 'l à vdû cun 'l uśèl in maṅ méntar 'l éra drē a pisàr in strada e adès la pulisìa la créd ch'al sia 'n manìac ad qvéi purcùs. 'L óm al vrév che David al testimunìs ch'l éra sèg cal dè lè.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.