![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Erich_Borchert_-_Angst_1933.jpg/640px-Erich_Borchert_-_Angst_1933.jpg&w=640&q=50)
Angùstia
From Wikipedia, the free encyclopedia
C'l artìcul chè 'l è scrit in
Miranduléś |
![Thumb image](http://upload.wikimedia.org/wikipedia/commons/thumb/d/db/Erich_Borchert_-_Angst_1933.jpg/320px-Erich_Borchert_-_Angst_1933.jpg)
![Thumb image](http://upload.wikimedia.org/wikipedia/commons/thumb/6/69/Julio_Romero_de_Torres_%281904%29_Horas_de_angustia.png/640px-Julio_Romero_de_Torres_%281904%29_Horas_de_angustia.png)
L’angùstia (Angst in tedésc) in psiculugìa 'l è 'n stat 'd ànim dimóndi brut ad patimènt ch'al fà muntàr la preucupasiòṅ e la paùra par na situasiòṅ o 'n turmènt ch'a n s è minga bòṅ ad risólvar da par lò, ad saltàr-'g-an fóra e 'd tgnir sóta cuntròl, dand vita a frustrasiòṅ e malèsar.
Da spés i sugèt angustiâ i gh'aṅ paùra 'd èsar drē a vìvar na daśgràsia o 'd murìr e i n gh pōlan far gnint. A livèl fìśic cal mâł chè 'l è cumpagnâ da spés da batarìa 'd cōr, tarmarìa, sudōr, fadìga a tiràr fiâ, biśógn ad piànśar, śgriśōr o vampi 'd calōr, giramènt ad tèsta e mancamènt.
C'l argumènt chè 'l è stâ tratâ in dal XIX sécul da 'l filòśuf danéś Søren Kierkegaard (ma anc in séguit par Sigmund Freud) ch'al dgiva che 'l óm, ch'al n agìs minga cum al bèsti ma tulénd dal deciśiòṅ strulgàdi, p'r al sōl fat 'd èsar lìb'r in dal sarnìr, al gh'à sèmpar da cunfruntàr-'s in natùra cun l'angùstia saénd che na sarnìda bòna la vōl dir ch'a gh 'n è, a livèl teòric, anc di migliòṅ ad qvéli śbaliàdi.