From Wikipedia, the free encyclopedia
Miranduléś|
C'l artìcul chè 'l è scrit in
Miranduléś |
Gl’Aerosmith i èṅ un grup hard & heavy americàṅ cgnusû cuma "The Bad Boys from Boston" (I ragasōi catìṿ ad Boston), la sità in du i èṅ nâ in dal 1970. I aṅ vindû da piò ad 150 migliòṅ ad disc (66,6 migliòṅ in di Stat Unî) dvintànd anc la banda muśicàla americàna cun al nùmar più grand 'd àlbum primiâ par la RIAA, l'asuciasiòṅ di discugràfic dal sò paéś.
In dal 1969 a Sunapee (in dal stat dal New Hampshire) al chitarìsta Joe Perry, al basìsta Tom Hamilton e al cantànt Steven Tyler i s mét'n insém par sunàr in un grup muśical ma 'l è in dal 1970 ch'al grup, ciamâ Aerosmith, al s cumpléta quànd i s śòntan al baterìsta Joey Kramer e 'l àtar chitarìsta Ray Tabano che però 'l an dòp al lasa 'l pòst a Brad Whitford.
I prim dū disc (Aerosmith dal 1973 e Get Your Wings dal 1974) i n véndan minga dimóndi anc s'i gh'aṅ dèntar di braṅ dvintâ pò di clàsic dal grup cuma Dream On, Mama Kin, Same Old Song and Dance, Seasons of Wither e la còver di Tiny Bradshaw Train Kept A-Rollin’.
Al grup al fà invéci sènt'r a livèl cumerciàl in dal 1975 cun al tèrs lavōr in studi, Toys in the Attic (Śugàtui in dal tasèl mòrt), ch'al vénd òt migliòṅ ad còpi rivànd a 'l undicéśum pòst dla clasìfica americàna. I sìngui i èṅ Walk This Way, Sweet Emotion e You See Me Crying. In dal 1976 al grup al scriv n'atra paśna impurtànta dla stòria dla mùśica hard rock faghénd catàr in di negòsi Rocks (quàtar disc ad plàtin e tèrs pòst in dla Billboard). In dla disc i s càtan di braṅ impurtànt cuma i sìngui Home Tonight, Last Child e Back in the Saddle ma anc Rats in the Cellar e Nobody's Fault.
Dòp na tournée in di stadi americàṅ, in dal 1977 l'è la vòlta ad Draw the Line, tri migliòṅ ad pès vindû. Steven Tyler e Joe Perry i s bèc'n al scutmàj ad "The Toxic Twins" (I śmèj tòsic). Dòp al tour prumusiunàl, al grup al rigìstra al sò prim disc da 'l viṿ, Live! Bootleg, ma i tàc'n anc i prubléma cun Perry ch'al s litga cun chi àtar e al mòla 'l grup durànt al registrasiòṅ dal sèst àlbum in studi, Night in the Ruts. Par finìr cal lavōr lè, gl’Aerosmith i tōśan sèg al chitarìsta Jimmy Crespo méntar Richard Supa al la sòna in di braṅ Mia e No Surprize. P'r al grup i èṅ drē a rivàr di brut mumènt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
