ཐིམ་ཕུག གྲོང་ ཐིམ་ཕུ་རྫོང་ཁག འབྲུག་ཡུལ་
( 27.48°N 89.7°E - Thimphu, BTTHI )
ཐིམ་ཕུག་འདི་ འབྲུག་གི་རྒྱལ་ས་ལྟེ་བ་དང་ ང་བཅས་རའི་སྐུ་འཁོར་དང་བློན་པོ་ལྷན་རྒྱས་ དེ་ལས་ ཕྱི་རྒྱལ་སྐུ་ཚབ་ཚུ་བཞུགས་ས་དང་ གོང་འཕེལ་ཅན་གྱི་ལས་འགུལ་ཚུ་ ཁག་འབག་སའི་ཁྲོམ་ཚོགས་སྦོམ་ཤོས་ཅིག་ཨིན།
མི་དབང་མངའ་བདག་རིན་པོ་ཆེའི་གསེར་ཁྲི་དང་ཡིག་ ཚང་ དེ་ལས་ གཞན་ལྷན་རྒྱས་གཞུང་ཚོགས་ཀྱི་ཡིག་ཚང་ཡང་ རྫོང་འདི་ནང་ཨིནམ་ལས་ རྫོང་འདི་ག་ནི་བ་ཁག་ཆེ་ཏོག་ཏོ་ཅིག་ཨིན། དེ་གིས་མ་ཚད་པར་ རྒྱལ་ཡོངས་ཚོགས་ཁང་དང་ཡིག་ཚང་གཞན་གྱི་རིགས་ཡང་ ཆུ་ཕར་ཁར་ རྫོང་གི་གདོང་ཕྱོགས་ལུ་ ག་ནི་བ་ཉམས་དགའ་ཏོག་ཏོ་དང་འཇའ་མཆིས་ཆི་སྦེ་ཡོདཔ་ཨིན། འབྲུག་གི་རྒྱལ་ཡོངས་དཔེ་མཛོད་འདི་ བཀྲིས་ཆོས་རྫོང་གི་ཉེ་འདབས་་ལུ་ཆགས་ཏེ་ཡོདཔ་དང་ དེ་ནང་ལུ་ འབྲུག་གི་སྔོན་རབས་དང་ནངས་པའི་ཆོས་དང་འབྲེལ་བའི་རིག་གནས་དང་ གཞུང་ཚུ་ཡོདཔ་ཨིན། འབྲུག་གི་ལམ་སྲོལ་མི་ཉམས་གོང་དུ་སྤེལ་མི་ ལྷ་བྲིས་སློབ་གྲྭ་ནང་ལུ་ ལྷ་བྲིས་དང་འཇིམ་བཟོ་ དེ་ལས་ འདམ་ལཱ་ལ་སོགས་པའི་གྲུབ་འབྲས་ཚུ་ སྟོན་ནི་ཡོད་པའི་ཁར་ སྟོན་ཁང་ནང་ལས་ རང་ལུགས་ཀྱི་དྲན་ཆས་ཚུ་ཡང་ འཐོབ་ཚུགས། རྒྱལ་ས་ལྟེ་བའི་སྦུག་ལུ་ཡོད་པའི་ རྗེས་དྲན་ཆོས་རྟེན་འདི་ མི་དབང་ཞིང་གཤེགས་ རྒྱལ་རབས་གསུམ་པ་ འཇིགས་མེད་རྡོ་རྗེ་དབང་ཕྱུག་ལུ་ རྗེས་དྲན་གྱི་ཚུལ་ལུ་ རྒྱལ་ཡུམ་ཨ་ཞེ་ཕུན་ཚོགས་ཆོས་སྒྲོན་གྱིས་ སྤྱི་ལོ་ ༡༩༧༤ ལུ་ བཞེངས་གནང་ནུག། མཆོད་རྟེན་འདི་ནང་ གསང་སྔགས་ཀྱི་སྐུ་རིགས་ཚུ་ཡོདཔ་ཨིན། འབྲུག་གི་ལག་བཟོ་ཚོང་ཁང་གིས་ ཐགས་རིགས་དང་ལག་བཟོའི་རིགས་ཚུ་ འགྲེམ་སྟོན་འབདཝ་ཨིནམ་དང་ ཐགས་རིགས་འགྲེམ་སྟོན་ཁང་གིས་ ཐགས་ཀྱི་རིག་རྩལ་དང་དེའི་ཐོན་བསྐྱེད་ དེ་ལས་ རང་ལུགས་འབྲུག་པའི་གྱོན་ཆས་ཚུ་ འགྲེམ་སྟོན་འབདཝ་ཨིན། གཞན་ཡང་ སངྱས་སྒང་ལུ་འགྱོ་བ་ཅིན་ ཐིམ་ཕུག་ཁྲོམ་ཡང་ ཧིང་སངས་སངས་སྦེ་མཐོང་ཚུགས་པའི་ཁར་ ལམ་ཁ་ལུ་ཡང་ ང་བཅས་ར་འབྲུག་རྒྱལ་ཡོངས་ཀྱི་སེམས་ཅན་ གྲོང་གྱིམ་ཙེ་ཡང་ མཐོང་ཚུགས། དེ་བཟུམ་སྦེ་ གཟའ་ཉིམ་དང་ཟླ་བའི་ཚེ་ ཚོད་བསྲེ་ཁྲོམ་ཁར་འགྱོ་བ་ཅིན་ མི་དྲག་གཞན་ཆེ་ཆུང་མེད་པར་ ཚོད་བསྲེ་དང་ཤིང་འབྲས་ལ་སོགས་པ་ཚུ་ ཉོ་བ་འོང་ས་དང་ཉོ་སྟེ་ ལོག་འགྱོ་མི་ལེ་ཤ་ཅིག་དང་འཕྱད་ཚུགས། དེ་ཚུ་ལས་ལྷག་པའི་སྤྲོ་བ་གཞན་ ཐིམ་ཕུག་ལས་བྱང་ཁ་ཐུག་ལུ་ ལྕགས་རི་དང་རྟ་མགོ་གནས་ མཇལ་ནི་ཡོད། གནས་གཉིས་མཇལ་བ་འགྱོ་སའི་ལམ་ཁར་ བདེ་ཆེན་ཆོས་གླིང་ཕོ་བྲང་དང་ སྤང་རི་ཟམ་པའི་ལྷ་ཁང་ དེ་ལས་ དེའི་ཉེ་འདབས་ཀྱི་གཡུས་ཚན་ཚུ་ཡང་ མཐོང་ནི་ཡོད།
དུས་རབས་ ༡༧ པའི་ནང་ ཞབས་དྲུང་ངག་དབང་རྣམ་རྒྱལ་གྱིས་ བཞེངས་ཡོད་པའི་སེམས་རྟོགས་ཁ་རྫོང་འདི་ ཐིམ་ཕུག་ཁྲོམ་ལས་ ལྷོ་ཁ་ཐུག་ལུ་ ཀི་ལོ་མི་ཊར་ ༥ འི་ས་ཁར་ ཆགས་ཏེ་ཡོདཔ་དང་ རྫོང་འདི་ནང་ བཤད་གྲྭ་ཅིག་ གཞི་བཙུགས་འབད་དེ་ཡོད།
རབ་བྱུང་ ༦ པའི་ནང་ འཇམ་དབྱངས་ཀུན་དགའ་སེང་གེ་མཆོག་ལུ་ དགེ་བསྙེན་ཆེན་པོ་ཇག་པ་མེ་ལེན་གྱིས་ དག་པའི་སྣང་ངོར་ལུ་སྐུ་གཟུགས་དངོས་སུ་སྦེ་སྟོན་ཏེ་བསུ་བ་མཛད་དེ་འབད་ ལྷ་ཁང་སྒོ་ཁའི་རྡོ་ཕུང་དེ་གུ་སྐུ་གཟུགས་ཐིམ་སོང་སྟེ་ཡོད་ནི་འདི་གིས་ དེ་ལས་ཚུར་ས་ཁོངས་འདི་ ལུང་བའི་ཕུ་ལུ་ཨིནམ་མ་ཚད་ དགེ་བསྙེན་གྱི་སྐུ་གཟུགས་ཐིམ་སའི་ས་གནས་ཅིག་ཨིན་ནི་འདི་གིས་ཐིམ་ཕུ་ ཟེར་དེ་ལས་བརྟེན་བྱུང་ནུག།[1]
མདོ་སྡེ་བྲག་གི་རི་མཇུག་ལུ་ཧེ་མ་བླ་མ་གནས་རྙིང་པའི་སྐབས་ལུ་ དགོན་པ་བསམ་གཏན་གླིང་ཆུ་བདེ་ཆུ་ ཟེར་ཡིག་ཆ་རྙིང་ཤོས་ཚུ་ནང་ཐོན་ནི་ཡོད་པ་མ་ཚད་ས་ཆ་བསིལ་དྲོད་ད་ལྡན་པའི་ལུང་གཤོང་སྐྱིད་ཏོང་ཏོ་འདི་ནང་ འབྲུག་གི་རྒྱལ་པོ་མི་དབང་འབྲུག་རྒྱལ་བཞི་པོ་མཆོག་གི་བཞུགས་གནས་གཟིམ་ཅུང་གཙོ་བོ་ཅིག་ཨིན་ ས་ཁོངས་འདི་ནོར་བུ་བསམ་འཕེལ་གྱི་གཙོས་པའི་ནོར་བུའི་རིགས་ཀྱི་མཚན་རྟགས་ཡོད་ལུགས་བཤད་ནི་འདུག །
ཀཁགང།
ཐདཐཕདརཐ་ཐདརཐ་ཐཕའརཐར
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.