Jan Wjela

Jan Wjela (* 8. januara 1822 w Žydowje; † 19. januara 1907 w Budyšynje) jo był serbski spisowaśel. Cesto jo pód mjenim Radyserb abo Jan Wjela-Radyserb pisał.

Jan Wjela
Jan Wjela
Datum naroźenja	8. januara 1822 Žydow
Datum smjerśi	19. januara 1907 Budyšyn
Pseudonym	Radyserb
Etnija	Serb
p • d • w

Wón jo pisał balady a lyriku a zběrał ludowe basnje a pśisłowa. Ako jaden z prědnych serbskich awtorow jo se teke pisanju prozy pósćił. Mimo swójich wudanych knigłow jo teke wjele drobnych wulicowańkow we wšakich casopisach wózjawił. Wón jo źěłał až do kóńca teke na episkima źěłoma "Miliduch na Brodźinje" a "Přebysław na Limasu", kótarež pak bóžko wěcej dokóńcył njejo.

Jan Radyserb-Wjela jo měł wjeliki późěl na zběrce "Přisłowa a přisłowne hrónčka a wusłowa Hornjołužiskich Serbow", kótaraž jo se w lěśe 1902 wót Arnošta Muki wudała. Wjela jo był pśisłowa zběrał a zgromaźił, Muka jo był je dorědował a wudał.

Literatura

• Pójdančka k wubudźenju a k polěpšenju wutroby za Serbow, zběrka serbskich powědančkow (1847) (hsb.)
• Nadpad pola Bukec 1758, powědančko (1852) (hsb.)
• Křiž a połměsac abo Turkojo před winom w lěće 1683, powědančko (1883) (hsb.)
• Trójniki - zběrka powědančkow (1885) (hsb.)
• Bitwa pola Budyšina 1813, powědančko (1891) (hsb.)
• Nowe trójniki, zběrka serbskich powědančkow (1893) (hsb.)
• Zabawki. Swojim lubym Serbam, zběrka serbskich powědančkow (1896) (hsb.)
• Zabawy. Powědančka za lubych Serbow, zběrka serbskich powědančkow (1901) (hsb.)

Wótkaz

Wikisource

Glědaj wótpowědne dataje we Wikimedia Wikisource:
Jan Wjela

• Jan Wjela-Radyserb – demokrat za śichym