Šupy

Šupy (Procyon) su rod ze swójźby małkich mjadwjeźow (Procyonidae). Wót sedym družynow jo jadna teke w Europje zadomiła.

	Toś ten nastawk z temu rod Procyon jo pó lema na drugi nastawk pódobny. Drugi lema šup ma temu družyna Procyon lotor.

Šup
Šup (Procyon lotor)
systematika
Domena	Eukaryoty
bźez ranga	Opisthokonta
Swět	Zwěrina
pódklasa:	(Eutheria)
nadpórěd:	Laurasiatheria
pórěd:	Rubjažne zwěrjeta Carnivora
nadswójźba:	(Canoidea)
swójźba:	Procyonidae
rod:	Šupy
wědomnostne mě
Procyon
Storr (1780)
p • d • w

Wopis

Šupy dośěgnu dłujkosć wót něźi 40 až do 70 cm. Barwjenje jo šere až pócarne, mjaztym až maju carny muster we woblicu. Wóni su wšožracki a mógu derje lězć a plěwaś.

Rozšyrjenje a žywjeński rum

Sedym družynow jo w pódpołnocnej, srjejźnej a pódpołdnjowej Americe domacne.

Družyny

Pódpołnocnoamerikański šup

Rod šupow se do sedym družynow rozdźěli:

• (Pódpołnocnoamerikański) šup (Procyon lotor) jo nejdalšej rozšyrjony a nejlěpjej pśeslěźowany zastupnik roda. Prěnjotnje wót pódpołdnjoweje Kanady až do Panamy rozšyrjony, wón jo mjaztym teke w Europje domacny.
• Krabowy šup (Procyon cancrivorus) jo w Pódpołdnjowej Americe domacny.
• de:Tres-Marias-Waschbär (Procyon insularis) jo na Tres-Marias-kupach pśed pódwjacorym pśibrjozom Mexiko endemiski.
• Bahamaski šup (Procyon maynardi) jo žywy jano na kupje New Providence, kótaraž k Bahamam słuša.
• Guadeloupe-šup (Procyon minor) jo na Antilowej kupje Guadeloupe endemiski.
• Cozumel-šup (Procyon pygmaeus) jo žywy na kupje Cozumel pśed mexiskej połkupu Yucatán.
• Barbadosowy šup (Procyon gloveralleni) jo na Karibiskej kupje Barbadosy wustupował. Slědny eksemplar bu w lěśe 1964 wuglědany, tak až družyna płaśi ako wótemrěta.

Žrědła

• Meyers Taschenlexikon Biologie, In 3 Bänden, 3. zwězk, ISBN 3-411-12033-9, bok 267 (nim.)

Eksterne wótkaze

 Commons: Procyon – Zběrka wobrazow, widejow a audio-datajow