Wšedny blušć

Wšedny blušć (Hedera helix) jo rostlina ze swójźby aralijowych rostlinow.

Pcołka na kwiśonce

Płod

Ilustracija

Wšedny blušć

Wšedny blušć (Hedera helix)
systematika
Domena	Eukaryoty
Swět	Rostlinstwo
	Asteridy Euasteridy II
pórěd:	(Apiales)
swójźba:	Aralijowe rostliny (Araliaceae)
rod:	Blušć[1][2] (Hedera)
družyna:	Wšedny blušć
wědomnostne mě
Hedera helix
L.
Wikipedija:Projekt za botaniku
p • d • w

Wopis

Wšedny blušć jo lězecy kerk, kótaryž dośěgnjo wusokosć wót 0,5 až do 20 m.

Łopjena

Łopjena eksistěruju we dwěma formoma. Łopjena njekwiśecych pšuśikow (primarne, sćinowe łopjena) su 3-rožkaśe až do 5-rožkaśe lapate. Łopjena kwiśecych pšuśikow (sekundarne, swětłowe łopjena) su owalne-lancetojte. Wše łopjena su pśecej zelene.

Kwiśonki

Kwiśo wót septembra až do nowembra. Kwiśonki dośěgnu wjelikosć wót 5 mm a su zelene a 5-licbne, w połkulojtych wokołkach. Kwiśonkowe łopjeńka su lichotne.

Pśedmuske kwiśonki buchu w nazymje wót muchow a wósow woprošone.

Płody

Jagody su carne a kulojte. Jagody akle w slědujucym nalěśu zdrjaju. Wóni su gadowate a škóduju pśedewšym kóžu. Mimo togo rostlina wopśimjejo saponiny, kótarež su statkowne pśeśiwo dušatemu kašloju.

Stojnišćo

Wšedny blušć rosće w listowych měšanych lěsach a na skałach.

Rozšyrjenje

Wšedny blušć jo w srjejźnej, pódwjacornej a pódpołdnjowej Europje až do pódpołnocneje šyriny wót 60° rozšyrjony.

Nožki

1. Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 76
2. W internetowem słowniku: Efeu

Žrědła

• Rothmaler, W. et al.: Exkursionsflora von Deutschland, Band 1-4, Spektrum Akademischer Verlag, Heidelberg, Berlin (2002) (nim.)
• Seidel/Eisenreich: BLV Bestimmungsbuch Blütenpflanzen, ISBN 3-405-13557-5, boka 226-227 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 428 (nim.)
• Strasburger, E. et al.: Lehrbuch der Botanik für Hochschulen. 35. Auflage, Spektrum Akademischer Verlag, Heidelberg, Berlin (2002) (nim.)

Eksterne wótkaze

« Wšedny blušć » w drugich wikimediskich projektach :

• Wšedny blušć we Wikimediskem Wikipókłaźe (Multimediske dataje)
• Wšedny blušć we Wikidružynach (Zběrka wó wšych žywych byśach)

• ahaco.de (nim.)