Serbisko-chorwatska rěc
From Wikipedia, the free encyclopedia
Serbisko-Chorwatska rěc abo chorwatsko-serbiska rěc słuša do kupki pódpołdnjowosłowjańskich rěcow.
Српско-хрватски језики Srpsko-hrvatski jezici serbisko-chorwatske rěci | ||||
kraje | Serbiska, Chorwatska, Bosniska a Hercegowina, Carnogórska, a dalšne | |||
powědarje | 20 milionow | |||
znamjenja a klasifikacija | ||||
---|---|---|---|---|
klasifikacija | Indoeuropske rěcy
| |||
pismiki | cirilica a łatyńske | |||
oficielny status | ||||
oficielna rěc | Serbiska, Chorwatska, Bosniska a Hercegowina, Carnogórska | |||
rěcne kody | ||||
ISO 639-3 (SIL): | ||||
Wikipedija | ||||
| ||||
Serbisko-chorwatska rěc jo była oficielna rěc Jugosłowjańskeje gromaźe z makedońskeju a słowjeńskeju rěcu. Prědny raz jo se zapśimjeśe serbisko-chorwatska rěc naspomniło w lisće słowjeńskego rěcywědnika Jerneja Kopitara. Oficielnje jo se zachopiło wužywaś wót 1921 do lěta 1993 ako termin, kótaryž wopisujo dialekty powědane w Serbiskej, Chorwatskej, Carnej Górje a w Bosniskej a Hercegowinje. Zakład toś teje rěcy jo štokawski dialekt ale su teke ekawske, jekawske a ikawske wugranjanja dopušćone.
Gaž jo se Jugosłowjańska rozpadnuła, su dostali serbiska, chorwatska, bosniska a na kóncu carnogórska rěc status samostatneje rěcy. Źinsa jo słowo serbisko-chorwatska rěc kontrowersne pšašanje dla stawiznow, politiki a měnjatego wóznama słowa rěc. Někotare mysle až jo to jadna rěc, druge až stej to rozdźělnej samostatnej rěcy. Mjazy sobu rozmějobne formy toś teje rěcy wužywaju se z drugimi mjenjami w źinsajšnej Serbiskej, Carnej Górje, Chorwatskej a Bosniskej a Hercegowinje a teke se derje rozměju w Makedońskej a w Słowjeńskej.