From Wikipedia, the free encyclopedia
Lěšćina[1][2] (Corylus) jo rod z pódswójźby lěskowych rostlinow (Coryloideae) znutśika swójźby brjazowych rostlinow (Betulaceae).
Wšedna lěšćina (Corylus avellana) | |
systematika | |
---|---|
Domena | Eukaryoty |
Swět | Rostlinstwo |
Rosidy Eurosidy I | |
pórěd: | (Fagales) |
swójźba: | Brjazowe rostliny (Betulaceae) |
pódswójźba: | Lěskowe rostliny (Coryloideae) |
rod: | Lěšćina[1][2] |
wědomnostne mě | |
Corylus | |
L. | |
Pó někotarych žrědłach se lěskowe rostliny ako swójska swójźba (Corylaceae) wobglědaju.
Družyny su list chytajuce bomy abo wjelike kerki. Wóni su jadnodomne rostliny.
Wutšobojte łopjena su zubate a mócnje žyłkate.
Muske kwiśonki stoje w šwižnych wisecych mickach. Wóni prošk hyšći pśed zazeleninim lista rozšyrjuju. Žeńske kwiśonki wutwórje małke, zelene promjenja, z kótarychž pózdźej lěsne wórješki nastanu.
Rostliny su w měrnych regionach pódpołnocneje hemisfery rozšyrjone.
Znutśika swójźby brjazowych rostlinow (Betulaceae) se rod do pódswójźby lěskowych rostlinow (Coryloideae) zarědujo. Fylogenetiske pśepytowanja staja rod ako sotšojsku kladu k wuškownym tśi rodam pódswójźby.[3]
| ||||||||||||||||||||||
Kladogram pó [3]
Pó kuždem awtorje se znutśika roda Corylus mjaz źaseś a 25 družynami rozeznawaju. Aktualne wobźěłanja rozeznawaju slědujuce družyny[4]:
Pó kuždem měnjenju awtora se wót Corylus avellana cesto družyny Corylus maxima Mill. (Lambertshasel), Corylus pontica K.Koch a Corylus colchica Albov wótźěluju. Mimo togo se pó kuždem awtorje družyna Corylus californica (A. DC.) A. Heller ako warietu wót Corylus cornuta licy. Rowno tak se cesto k Corylus heterophylla stajonej var. sutchuenensis Franch. a var. yunnanensis Franch. wót někotarych awtorow ako samostatnej družynje wóźe. Teke zwadny rang wobsejźi Corylus papyracea.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.