Helmut Kohl
From Wikipedia, the free encyclopedia
Helmut Josef Michael Kohl (roź. 3. apryla 1930 w Ludwigshafenje, wum. 16 junija 2017) jo był nimski kśesćijańskodemokratiski politikaŕ. Wón jo był wót 1982 do 1998 ako wjednik carno-žołtego kněžaŕstwa šesty zwězkowy kanclaŕ Nimskeje. W běgu politiskego žywjenja statkował ako ministaŕski prezident Rheinland-Pfalcojskeje (1969–76), zwězkowy pśedsedaŕ strony CDU (1973–98) a wjednik opozicije w zwězkowem sejmje (1976–82).
Helmut Kohl | |
---|---|
Zakładne daty | |
datum naroźenja | 3. apryla 1930 |
rodne město | Ludwigshafen |
Pó złamanju cerwjeno-žołteje koalicije a wuspěšnem wótgłosowanju wó wugronjenju njedowěry pśeśiwo kanclarjeju Helmutej Schmidtoju (SPD) bu Kohl dnja 1. oktobra 1982 za šestego zwězkowego kanclarja wólony. Wón jo nawjedował koaliciju stronow CDU/CSU a FDP až do lěta 1998, gaž jo zgubjował we wólbach swóju wětšynu. Helmut Kohl jo ze 16 lětami w zastojnstwje nejdlej amtěrujucy zwězkowy kanclaŕ Nimskeje až do źinsajšnego.
Pód nawjednikom Kohla stej zjadnośiłej se w lěśe 1990 NDR a ZRN pó 41 lětach znowa, cogoždla ma wón wósebnje w konserwatiwnych krejzach pśimě „kanclaŕ jadnoty“.