![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/13/Latitude_%2528PSF%2529.png/640px-Latitude_%2528PSF%2529.png&w=640&q=50)
Geografiska šyrina
From Wikipedia, the free encyclopedia
Geografiska šyrina (něga stopjeń šyriny), φ abo B (łatyński latitudo, engelski latitude, mjazynarodnje skrotcona pśez lat. abo LAT) jo pódpołnocna abo pódpołdnjowa zdalonosć dypka zemskego powjercha wót ekwatora, pódana w kutowej měrje, pótakem w stopnju. Šyrina móžo gódnoty wót 0° (na ekwatorje) až do ±90° (na poloma) nabyś. Město pśedznamuška (tradicionelnje +pódpołnoc, −pódpołdnjo) jo teke N resp. S dowólony.
![Thumb image](http://upload.wikimedia.org/wikipedia/commons/thumb/1/13/Latitude_%28PSF%29.png/640px-Latitude_%28PSF%29.png)
![Thumb image](http://upload.wikimedia.org/wikipedia/commons/thumb/2/25/Grosskreis.svg/220px-Grosskreis.svg.png)
Ekwator (módry) źěli kulu do dweju połojcowu a prěcy dlininowe krejze (žołte) pód 90°. Wšykne pśeśěgnjone linije toś togo wobraza su wjelike krejze. Smužkowane linije su šyrinowe krejze.
![Thumb image](http://upload.wikimedia.org/wikipedia/commons/thumb/7/77/50_Breitengrad.jpg/640px-50_Breitengrad.jpg)
Kut, kótaryž wužywa se za geografisku šyrinu, njeměri se w zemskem srjejźišću, ale wótpowědujo kutoju mjazy (idealizěrowanym) lotowym směrom a ekwatoroweju rowninu zemje.
- Městna z samskeju šyrinu laže na jadnom šyrinowem krejzu, teke šyrinowy paralel abo paralelny krejz pomjenjony.
- Za identifikaciju dypka na zemskem powjerchu – za póstajenje jogo geografiskego połoženja – jo pśidatnje k šyrinje pódawanje jogo geografiskeje dlininy (něga stopjeń dlininy) trěbne. Definicija geografiskeje šyriny źo na Klawdiusa Ptolemeusa slědk.