William Forbes Skene

Hanesydd a hynafiaethydd o'r Alban oedd William Forbes Skene (7 Mehefin 1809 - 29 Awst 1892).

William Forbes Skene
William Forbes Skene, llun gan George Reid, c. 1888
Ganwyd	7 Mehefin 1809  Rubislaw
Bu farw	29 Awst 1892
Dinasyddiaeth	Teyrnas Unedig Prydain Fawr ac Iwerddon
Alma mater	Prifysgol St Andrews Edinburgh Academy
Galwedigaeth	hanesydd
Tad	James Skene o Rubislaw
Mam	Jane Forbes

Roedd yn fab i James Skene (1775–1864), o Rubislaw, ger Aberdeen, cyfaill i Syr Walter Scott. Addysgwyd ef yn Academi Caeredin a Phrifysgol St Andrews, gan gymeryd diddordeb arbennig mewn astudio ieithoedd a llenyddiaeth Geltaidd.

Yn 1837 cyhoeddodd The Highlanders of Scotland, their Origin, History and Antiquities. Bu'n gweithio i Lys y Sesiwn, yna yn 1847, yn ystod newyn yn Ucheldiroedd yr Alban, bu'n ysgrifennydd i'r Central Board for Highland Relief. Bu farw yng Nghaeredin ar 29 Awst 1892.

Ei brif waith oedd Celtic Scotland, a History of Ancient Alban (5 cyfrol, Caeredin, 1876-1880). Cyhoeddodd argraffiad o'r Chronica genus Scotorum gan John o Fordun (Caeredin, 1871–1872); The Four Ancient Books of Wales (Caeredin, 1868); Chronicles of the Picts and Scots (Caeredin, 1867); y Vita S. Columbae gan Adomnán (Caeredin, 1874); Essay on the Coronation Stone of Scone (Caeredin, 1869); a Memorials of the Family of Skene of Skene (Aberdeen, 1887).

Llyfryddiaeth

• "Skene, William Forbes." British Authors of the Nineteenth Century H. W. Wilson Company, Efrog Newydd, 1936.