From Wikipedia, the free encyclopedia
Duwies doethineb, gwyddoniaeth, iaith a cherddoriaeth yng nghrefydd Hindŵaeth yw Saraswati (hefyd Sarasvati). Mae hi'n wraig i'r Brahma, Creawdwr y Bydysawd. Yn ôl yr ysgrythurau Hindŵaidd, Saraswati a greodd Devanagari, yr wyddor Sanscrit.
Enghraifft o'r canlynol | river god, Devi |
---|---|
Rhan o | Tridevi |
Offerynnau cerdd | veena |
Enw brodorol | सरस्वती |
Ffeiliau perthnasol ar Gomin Wicimedia |
Ganed Saraswati o Brahma ei hun. Gwyn yw ei lliw. Mae hi'n cael ei phortreadu yn ferch ddeniadol, heb freichiau ychwanegol fel rheol. Ei virhana ("cerbyd") yw'r paun ac mae hi'n ei farchogaeth gan ddal y vina (offeryn cerdd linynnol) yn ei llaw.
Yn wreiddiol, duwies yr afon o'r un enw, un o'r saith afon sanctaidd, oedd hi. Yn yr agwedd honno fe'i cysylltir â ffrwythlondeb.
Cyfeirir at Saraswati yn y Rig Veda fel Vach (lleferydd), ymgnawdoliad y Gair, Mam y Duwiau a Goleuni'r Rishis (doethion). Fe'i henwir yn y Mahabharata fel mam y rishi Sarasvata.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.