Cyfrol gan John Jones (Myrddin Fardd) yw Llên Gwerin Sir Gaernarfon. Fe'i cyhoeddwyd gan Cwmni y Cyhoeddwyr Cymreig, yn Swyddfa 'Cymru', Caernarfon yn 1908 (ni nodir y dyddiad yn y llyfr).[1] Roedd Myrddin Fardd yn hynafiaethydd brwd ac erys ei gasgliad o hen chwedlau a thraddodiadau Arfon yn ffynhonnell werthfawr i efrydwyr Llên gwerin Cymru, yn enwedig am fod llawer o'r cynnwys yn ffrwyth holi ar lafar mewn cyfnod pan oedd nifer o'r pethau hyn yn fyw o hyd yng nghof y werin bobl.
Wynebddalen Llên Gwerin Sir Gaernarfon | |
Enghraifft o'r canlynol | gwaith llenyddol ![]() |
---|---|
Awdur | Myrddin Fardd |
Cyhoeddwr | Gwasg y Cyhoeddwyr Cymreig |
Gwlad | Cymru |
Iaith | Cymraeg |
Dyddiad cyhoeddi | 1908 ![]() |
Pwnc | Llên Gwerin Cymru |
Argaeledd | allan o brint |
Genre | Casgliad o chwedlau gwerin |
Statws hawlfraint | parth cyhoeddus, parth cyhoeddus ![]() |
Disgrifiad
Mae'r llyfr yn cynnwys casgliad o chwedlau gwerin ardal yr hen Sir Gaernarfon (gorllewin Sir Conwy a gogledd Gwynedd erbyn hyn), wedi'i hel o sawl ffynhonnell, o hen lyfrau, llawysgrifau ac oddi ar lafar gwlad gan yr awdur, ac wedi'u hadrodd ganddo'n gryno gyda sylwadau ac esboniadau. Ceir hefyd wybodaeth helaeth am arferion, gwyliau, defodau a thraddodiadau. Yn ogystal ceir traddodiadau am darddiad enwau lleoedd, ymadroddion, dywediadau, posau a diarhebion.[1]
Dosberthir y chwedlau yn ôl pwnc, sef:
- Yr Athronyddol
- Y Dull o Fyw
- Chwedlau ac Ofergoelion
- Argoelion
- Ffynhonnau, Llynnau ac Afonydd
- Lleoedd ynghyd â'u henwau
- Chwedlau Arian Cudd
- Hen Gewri
- Geiriau, Dywediadau a Diarhebion
- Dychymygion (posau) ayyb
Cyfeiriadau
Gweler hefyd
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.