Dramodydd, sgriptiwr, cyfansoddwr a perfformiwr o Gymro yw Daf James (ganwyd 1979). Mae wedi creu gwaith ar gyfer theatr, radio, teledu a ffilm ac yn gweithio drwy gyfrwng y Gymraeg a'r Saesneg.
| Daf James | |
|---|---|
| Man preswyl | Caerdydd  |
| Dinasyddiaeth |  Cymru |
| Alma mater |
|
| Galwedigaeth | actor, dramodydd, cyfansoddwr, sgriptiwr, ysgrifennwr |
Bywyd cynnar ac addysg
Magwyd Dafydd Huw James yn y Y Bont-faen. Cafodd ei addysg yn Ysgol Iolo Morganwg ac Ysgol Gyfun Gymraeg Glantaf.[1] Astudiodd Lenyddiaeth Saesneg ym Mhrifysgol Caeredin gan raddio yn 2001. Aeth ymlaen i hyfforddi yn y London School of Performing Arts (LISPA).[2]
Yn 2011 cwblhaodd ei ddoethuriaeth mewn Astudiaethau Theatr ym Mhrifysgol Warwick.[3]
Bu'n byw yn Llundain am gyfnod cyn dychwelyd i Gymru ac ymgartrefu yng Nghaerdydd.
Gyrfa
Yn 2010 ysgrifennodd ei ddrama gyntaf, Llwyth, a gynhyrchwyd gan Sherman Cymru a'i berfformio am y tro cyntaf yn Chapter, Caerdydd. Yn ddiweddarach aeth y ddrama ar daith o amgylch Cymru a Llundain.[2]
Fel sgriptiwr, ysgrifennodd ar gyfer y Fiction Factory ar y gyfres deledu Gymraeg Caerdydd a chafodd ei gomisynu i ysgrifennu dwy ddrama ar gyfer Script Cymru.
Mae ef wedi cyfansoddi a chyfarwyddo nifer o sioeau gan gynnwys The Hunting of the Snark; Ghost Shirt; Mythed; Pinocchio; Apocalypse Wow; If That’s All There Is; Blast; Woof Woof Kerching a Geek Tragedy yng Canolfan y Mileniwm, Caerdydd; Under Milk Wood, Strike 25 (Mess up the Mess) a Plentyn yr Eira.
Mae ef wedi perfformio gyda chwmnïau Theatr Genedlaethol Cymru; Theatr Na N’og; yn ogystal â bod yn athro ac yn westai arbennig i'r RSAMD; Sherman Cymru; BAC; y Lyric (Hammersmith); a'r Gate.
Yn 2024 darlledwyd ei ddrama deledu Lost Boys & Fairies ar rwydwaith Brydeinig y BBC. Mae'r gyfres yn dilyn hanes pâr hoyw wrth iddynt fabwysiadu plentyn. Rhan o hynodrwydd y gyfres yw bod y sgript yn y Gymraeg a'r Saesneg gan adlewyrchu realiti ieithyddol y cymeriadau.[4]
Dolenni allanol
Cyfeiriadau
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
