From Wikipedia, the free encyclopedia
Cymeriad mewn ffuglen yw Tarzan (John Clayton II, Is-iarll Greystoke) Mae'n blentyn gwyllt a fagwyd yn y jyngl yn Affrica gan epaod; yn ddiweddarach mae'n profi gwareiddiad, ond yn ei wrthod a dychwelyd i'r gwyllt fel anturiaethwr arwrol.[1]
Tarzan | |
---|---|
![]() | |
Ganwyd | 19 g ![]() |
Dinasyddiaeth | y Deyrnas Unedig ![]() |
Galwedigaeth | anturiaethwr, heliwr, penadur, maglwr, pysgotwr ![]() |
Priod | Jane Porter ![]() |
Plant | Korak ![]() |
Perthnasau | William Clayton ![]() |
Gwefan | https://tarzan.com/ ![]() |
Crëwyd y cymeriad gan Edgar Rice Burroughs. Ymddangosodd Tarzan gyntaf yn ei nofel Tarzan of the Apes a gyhoeddwyd mewn cylchgrawn yn 1912, ac wedyn fel llyfr yn 1914. Wedi hynny ailymddangosodd mewn mwy nag 20 o nofelau a chasgliadau straeon gan Burroughs ac awduron eraill, a gweithiau di-rif mewn cyfryngau eraill, yn enwedig mewn ffilmiau, a'r gyntaf o rhain oedd y ffilm fud Tarzan of the Apes (1918).[2]
Roedd Tarzan yn fab i arglwydd o Sais. Gadawyd Tarzan yn faban gyda'i rieni ar arfordir Affrica gan wrthryfelwyr. Bu farw ei mam a lladdwyd ei dad. Daeth Tarzan yn blentyn gwyllt, ac roedd yn byw gyda llwyth o epaod. Fel dyn mae'n hynod o gryf ac ystwyth, ac yn dod yn "frenin" yr epaod. Ac yntau'n 21 oed mae'n dod ar draws pobl wynion eraill (gan gynnwys yr Americanes Jane Porter) ac yn cael ei gludo i wareiddiad. Gan ei fod yn hynod ddeallus (mae'n gallu dysgu iaith newydd mewn dyddiau) mae'n gallu addasu i'w sefyllfa newydd yn gyflym. Pan fydd yn darganfod ei wir hunaniaeth fel John Clayton II, Iarll Greystoke, yn lle adennill ei etifeddiaeth mae Tarzan yn dewis yn hytrach i'w chuddio, ac yn mynd ymlaen i fyw bywyd llawn antur ac i deithio i lawer o leoliadau lliwgar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.