Parc Bletchley

Ystad yn nhref Bletchley yn Swydd Buckingham, De-ddwyrain Lloegr, ydy Bletchley Park, a adwaenir hefyd fel Station X. Ers 1967, mae Bletchley wedi bod yn rhan o dref newydd Milton Keynes.

Parc Bletchley

Math	amgueddfa tŷ hanesyddol, tŷ bonedd Seisnig, amgueddfa filwrol, parc, atyniad twristaidd, amgueddfa annibynnol
Agoriad swyddogol	1938
Sefydlwyd	1877
Daearyddiaeth
Lleoliad	Bletchley
Sir	Milton Keynes
Gwlad	Lloegr
Cyfesurynnau	51.99649°N 0.74256°W
Ffeiliau perthnasol ar Comin

Yn ystod yr Ail Ryfel Byd, roedd prif sefydliad dadgodio'r Deyrnas Unedig wedi'i lleoli ym Mharc Bletchley. Dadgodiwyd codau a seiffrau nifer o wledydd yr Axis, ac yn fwyaf arwyddocaol peiriannau Lorenz ac Enigma'r Almaenwyr.

Ystyrir bod y wybodaeth gyfrinachol a ddarganfuwyd ym Mharc Bletchley, o dan yr enw côd "Ultra", wedi darparu cymorth amhrisiadwy i ymdrechion rhyfel y Cyngrheiriaid gan fyrhau hyd y rhyfel. Serch hynny, mae union ddylanwad Ultra yn parhau i gael ei drafod a'i astudio.

Bellach mae Parc Bletchley yn amgueddfa o dan ofal Ymddiriedolaeth Parc Bletchley. Mae ar agor i'r cyhoedd. Gellir defnyddio'r prif dŷ am weithgareddau a seremonïau. Defnyddia'r Ymddiriedolaeth peth o'r arian a godir drwy logi'r cyfleusterau er mwyn cynnal a chadw'r amgueddfa.

Bu nifer o Gymry yn gweithio yno, yn cynnwys Mair Russell-Jones, Vernon Watkins, Roy Jenkins, Daniel Jones a Bryn Newton-John.

Dolenni allanol

• Ymddiriedolaeth Parc Bletchley Archifwyd 2004-07-29 yn y Peiriant Wayback
• Bletchley Park — Taith Rhithiol — gan Tony Sale
• The National Museum of Computing (wedi'i leoli ym Mharc Bletchley)
• "New hope of saving Bletchley Park for nation" Archifwyd 2007-11-13 yn y Peiriant Wayback (Daily Telegraph 3 Mawrth 1997)
• Bletchley Park: It's No Secret, Just an Enigma The Telegraph, 29 Awst 2009]