Paramaribo

Prifddinas a dinas fwyaf Swrinam yng ngogledd-ddwyrain cyfandir De America yw Paramaribo (llysenw: Par'bo). Gorwedd ar lannau Afon Swrinam yn Ardal Paramaribo, tua 15 km o lan y Cefnfor Iwerydd. Mae gan Paramaribo boblogaeth o tua 250,000 o bobl, tua hanner poblogaeth y wlad ei hun. Mae hen ddinas Paramaribo, o fewn y ddinas ei hun, ar restr Safleoedd Treftadaeth y Byd UNESCO ers 2002.

Paramaribo

Math	dinas, dinas fawr, endid tiriogaethol gweinyddol
Poblogaeth	223,757
Sefydlwyd	1613
Cylchfa amser	UTC−03:00
Gefeilldref/i	Antwerp, Willemstad, Yogyakarta, Hangzhou
Iaith/Ieithoedd   swyddogol	Iseldireg
Daearyddiaeth
Sir	Paramaribo District
Gwlad	Swrinam
Arwynebedd	182 km²
Uwch y môr	3 ±1 metr
Gerllaw	Afon Swrinam, Cefnfor yr Iwerydd
Cyfesurynnau	5.87°N 55.17°W
Ffeiliau perthnasol ar Comin

Dechreuodd Paramaribo gan yr Iseldirwyr fel gwersyll fasnachu. Fe'i cipwyd gan Brydain yn 1630, ac yn 1650 daeth yn brifddinas y wladfa Brydeinig newydd. Ond cipwyd y dref gan yr Iseldiroedd yn 1667 a bu dan reolaeth y wlad honno fel rhan o wladfa Swrinam o 1815 hyd annibyniaeth Swrinam yn 1975. Mae'r trigolion yn hanu o India, Swrinam ei hun, Affrica, a'r Iseldiroedd.

Yn Ionawr 1821 cafwyd tân mawr yng nghanol y ddinas a ddinistriodd tua 400 o dai ac adeiladau eraill, i gyd yn adeiladau pren. Dinistriwyd tua 46 o dai gan dân arall ym Medi 1832 yn y rhan o'r hen ddinas a adanbyddir fel y Waterkant.

Ceir nifer o adeiladau hanesyddol o'r cyfnod trefedigaethol yng nghanol y ddinas. Lleolir unig sinema y wlad yn Paramaribo.

Stryd Waterkant yn Paramaribo, ar lan Afon Swrinam

Adeiladau a chofadeiladau

• Mosg Swriname
• Senedd Swrinam
• Teml Arya Dewaker

Enwogion

• Anton de Kom (1898–1945), awdur
• Lieve Hugo (1934–1975), canwr
• Ronald Snijders (g. 1951), cerddor ac awdur