![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/96/Eight_Ball_Rack_2005_SeanMcClean.jpg/640px-Eight_Ball_Rack_2005_SeanMcClean.jpg&w=640&q=50)
Pŵl tafarn
y gem pŵl, wedi ei addasu ar gyfer ei chware mewn tafarn / From Wikipedia, the free encyclopedia
Mae pŵl tafarn yn gêm ciw, tebyg i snwcer sydd wedi ei selio ar y gêm Americanaidd pŵl wyth bêl sy'n cael ei chware'n broffesiynol. Mae'n cael ei chware ar fwrdd hirsgwar gyda chwe phoced (un ym mhob cornel ac un ar ganol y ddau ymyl hiraf).[1]
![Thumb image](http://upload.wikimedia.org/wikipedia/commons/thumb/9/96/Eight_Ball_Rack_2005_SeanMcClean.jpg/640px-Eight_Ball_Rack_2005_SeanMcClean.jpg)
Mae pŵl tafarn yn addasiad o'r gêm Americanaidd bŵl wyth bêl sy'n cael ei chwarae gyda ffyn ciw ac un ar bymtheg o beli: pêl ciw, a phymtheg o beli gwrthrych sy'n cynnwys saith pêl streipïog, saith pêl lliw solet a'r bêl rhif 8 du. Ar ôl i'r peli gael eu gwasgaru gan ergyd cychwynnol, bydd y chwaraewyr yn ymgiprys i ddanfon naill ai grŵp o beli solet neu grŵp o beli streipiau unwaith y bydd pêl o grŵp penodol yn cael ei phocedi'n gyfreithiol. Nod y gêm yn y pen draw yw pocedi'r bêl 8 du mewn poced a elwir yn gyfreithiol, wedi i bob un o'r peli o grŵp neilltuedig y chwaraewr gael eu clirio o'r bwrdd.
Mae'r gêm dafarn yn cael ei chware ar fwrdd 4.5 x 7 troedfedd. Yn gêm y dafarn mae'r peli streipïog a solet yn cael ei ffeirio am beli coch a melyn weithiau. Mae peli pŵl dafarn yn ddwy fodfedd o ddiamedr gyda'r bêl ciw naill ai'r un maint neu ychydig yn llai ar un fodfedd a 7/8, sydd ychydig yn llai na pheli'r gêm broffesiynol.