![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ea/ORAN_City_%2526_Coast.jpg/640px-ORAN_City_%2526_Coast.jpg&w=640&q=50)
Oran
From Wikipedia, the free encyclopedia
Dinas ar lan y Môr Canoldir yng ngogledd-orllewin Algeria yw Oran (Arabeg: وهران, ynganer Wahran; weithiau Ouahran, Sbaeneg: Orán). Daw'r enw "Oran" o enw Twrceg sy'n golygu "caer hardd". Sefydlwyd y ddinas yn 903 gan fasnachwyr o Al-Andalus (Andalucía yn Sbaen heddiw). Dan Ymerodraeth yr Otomaniaid Oran oedd y ddinas fwyaf gorllewinol yn yr ymerodraeth honno. Yn y cyfnod pan reolwyd Algeria gan Ffrainc, o ganol y 19g hyd y 1960au, bu Oran yn préfecture département o'r un enw. Heddiw mae'n brifddinas weinyddol wilaya (talaith) Oran. Mae gan y ddinas boblogaeth o tua 1 miliwn o bobl, ond os cynhwysir yr ardaloedd dinesig ceir poblogaeth o tua 2 miliwn, sy'n ei gwneud y ddinas ail fwyaf yn Algeria. Mae Oran yn borthladd o bwys, ac ers y 1960au mae wedi bod yn ganolfan fasnachol, diwydiannol ac addysgol i orllewin Algeria. Efallai mai cerddoriaeth Rai yw cynnyrch diwylliannol enwocaf Oran.
![]() | |
![]() | |
Math | commune of Algeria, dinas, dinas fawr ![]() |
---|---|
Poblogaeth | 852,000 ![]() |
Cylchfa amser | UTC+01:00 ![]() |
Gefeilldref/i | |
Daearyddiaeth | |
Sir | Oran District ![]() |
Gwlad | ![]() |
Arwynebedd | 64 km² ![]() |
Uwch y môr | 101 metr ![]() |
Gerllaw | Gulf of Oran ![]() |
Yn ffinio gyda | Mers El Kebir, Bir El Djir, Sidi Chami, Es Senia, Misserghin ![]() |
Cyfesurynnau | 35.696944°N 0.633056°W ![]() |
Cod post | 31000 ![]() |
![]() | |
- Erthygl am y ddinas yn Algeria yw hon. Gweler hefyd Oran (gwahaniaethu).