From Wikipedia, the free encyclopedia
Mae La Mancha yn wastadedd uchel (610m [2000 troedfedd]) yng nghanol Sbaen, ychydig i'r de o ddinas Madrid. Mae'n ffurfio rhan ddeheuol cymuned ymreolaethol Castilla-La Mancha, ac yn cynnwys rhannau o daleithiau Cuenca, Toledo ac Albacete, a'r rhan fwyaf o Ciudad Real.
 | |
| Math | ardal hanesyddol  |
|---|---|
| Daearyddiaeth | |
| Sir | Talaith Albacete, Castilla-La Mancha |
| Gwlad |  Sbaen |
| Arwynebedd | 30,000 km² |
| Uwch y môr | 610 ±1 metr |
| Cyfesurynnau | 39.4°N 3°W |
 | |
Er bod yr hinsawdd yn sych, mae'r gwastadedd yn un ffrwythlon. Amaethyddiaeth yw'r prif ddiwydiant, gyda chnydau fel ŷd, haidd a gwinwydd. Mae cadw defaid yn bwysig hefyd, a chynhyrchir y Caws Manchego enwog o'u llaeth. Nodweddir yr ardal gan ei melinau gwynt.
Ymhlith pobl enwog o La Mancha mae'r cyfarwyddwr sinema Pedro Almodóvar, yr arlunwyr Antonio López a'i ewythr Antonio López Torres, a'r actores Sara Montiel. Cymeriad dychmygol yw'r enwocaf o'r cwbl fodd bynnag, oherwydd yma y lleolodd Miguel de Cervantes ei nofel Don Quixote de La Mancha.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
