![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/86/%25E6%259B%25B8.svg/langcy-640px-%25E6%259B%25B8.svg.png&w=640&q=50)
Kanji
From Wikipedia, the free encyclopedia
Kanji (Japaneg: 漢字) yw'r enw a roddir ar arwyddluniau Tsieineeg a gaiff eu defnyddio yn system ysgrifennu Japaneg, ynghyd â'r hiragana a'r katakana, y system rifol Indo-Arabaidd, ac yn llai aml, yr wyddor Ladin (rōmaji). Ystyr y gair kanji yw "Arwyddluniau Han" (arwyddluniau Tsieineeg). Daeth kanji i Japan yn wreiddiol o Tsieina. Mae tua 2,000 i 3,000 o kanji yn cael defnydd cyson yn Japan heddiw, er fod tua 50,000 i 100,000 ohonynt mewn geiriaduron cynhwysfawr.
![Thumb image](http://upload.wikimedia.org/wikipedia/commons/thumb/8/86/%E6%9B%B8.svg/320px-%E6%9B%B8.svg.png)
Oherwydd i'r arwyddluniau hyn gael eu datblygu o fewn Japaneg, gall un kanji gael ei ddefnyddio i ysgrifennu un neu ragor o wahanol eiriau. I'r darllennydd, mae gan kanji nifer o "ddarlleniadau" gwahanol. Mae penderfynu pa un i'w ddefnyddio yn dibynnu ar y cyd-destun, ystyr, defnydd mewn cyfansoddeiriau, neu hyd yn oed ei leoliad mewn brawddeg. Mae gan rai kanji cyffredin ddeg neu ragor o ddarlleniadau gwahanol. Yn aml, gellir categoreiddio darlleniadau i ddau grŵp: yr on'yomi (darlleniad Sino-Japaneg) neu'r kun'yomi (darlleniad Japaneg).
![Thumb image](http://upload.wikimedia.org/wikipedia/commons/thumb/d/d9/2230_Basic_Kanji.svg/640px-2230_Basic_Kanji.svg.png)