![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/Somateria_mollissima_Eiderente_2.jpg/640px-Somateria_mollissima_Eiderente_2.jpg&w=640&q=50)
Hwyaden fwythblu
rhywogaeth o adar / From Wikipedia, the free encyclopedia
Mae'r Hwyaden Fwythblu (Somateria mollissima) yn un o deulu'r hwyaid sy'n aderyn niferus ar hyd arfordir gogleddol Ewrop, gorllwein Asia a gogledd America.
Hwyaden Fwythblu | |
---|---|
![]() | |
Ceiliog | |
Dosbarthiad gwyddonol | |
Teyrnas: | Animalia |
Ffylwm: | Chordata |
Dosbarth: | Aves |
Urdd: | Anseriformes |
Teulu: | Anatidae |
Genws: | Somateria |
Rhywogaeth: | S. mollissima |
Enw deuenwol | |
Somateria mollissima (Linnaeus, 1758) | |
![Thumb image](http://upload.wikimedia.org/wikipedia/commons/thumb/7/79/Somateria_mollissima_MHNT.ZOO.2010.11.26.1.jpg/640px-Somateria_mollissima_MHNT.ZOO.2010.11.26.1.jpg)
Adeiledir y nyth yn agos at lan y môr, ac mae tu mewn y nyth wedi ei wneud o blu mân wedi eu tynnu o fron yr iâr. Hwn yw'r eiderdown sy'n cael ei ddenyddio i lenwi clustogau. Mae'n dal i gael ei gasglu mewn rhai ardaloedd, er fod plu gwyddau fferm neu ddeunydd synthetig yn fwy cyffredin erbyn hyn. Yn y gaeaf mae'r Hwyaden Fwythblu yn symud tua'r de ac yn treulio'r garaf ar y môr. Weithiau gellir gweld heidiau mawr gyda'i gilydd. Maent yn bwydo ar anifeiliaid bychain megis crancod, ac yn plymio i'r gwaelod i'w dal.
Gellir adnabod y ceiliog yn hawdd; mae'n aderyn tarawiadol iawn gyda'i blu du a gwyn a' gwyrdd ar y gwegil. Mae'r iâr yn frown, ond mae'n weddol hawdd ei gwahaniaethu oddi wrth ieir hwyaid eraill oherwydd ei maint a siâp y pen a'r pig.
Nid yw'r Hwyaden Fwythblu yn aderyn cyffredin iawn yng Nghymru, ond mae'r niferoedd wedi cynyddu yn y blynyddoedd diwethaf ac mae ychydig o barau wedi dechrau nythu o gwmpas arfordir Ynys Môn a Gwynedd.
![Thumb image](http://upload.wikimedia.org/wikipedia/commons/thumb/5/50/Somateria_mollissima_dis.png/640px-Somateria_mollissima_dis.png)