![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/01/Sebastiano_Ricci_015.jpg/640px-Sebastiano_Ricci_015.jpg&w=640&q=50)
Endymion
From Wikipedia, the free encyclopedia
Ym mytholeg Roeg, roedd Endymion (Ἐνδυμίων) yn fugail neu heliwr o Aeolia, neu yn ôl Pausanias yn frenin oedd yn teyrnasu yn Olympia yn Elis. Dywedid ei fod yn fab i Zeus a'r nymff Calyce. Ganed ef yn Thessalia ond daeth yn arweinydd carfan o Aeoliaid, a sefydlodd Elis.
![Thumb image](http://upload.wikimedia.org/wikipedia/commons/thumb/0/01/Sebastiano_Ricci_015.jpg/640px-Sebastiano_Ricci_015.jpg)
Oherwydd ei harddwch, syrthiodd Selene, duwies y lleuad, mewn cariad ag ef. Dywedir iddi ofyn i Zeus roi ieuenctid tragwyddol iddo. Mewn fersiwn arall, roedd Endymion yn edrych mor hardd wrth gysgu mewn ogof ar fynydd Latmos, ger Miletus yn Caria, nes i Selene ofyn i Zeus a allai aros felly. Bob nos, byddai Selene'n ymweld ag ef wrth iddo gysgu.
Dywedir iddo gael mab, Aetolus, a ddaeth yn frenin Elis, ac yn ddiweddarach yn frenin Aetolia, a enwyd ar ei ôl.