![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8e/Divico_und_Caesar.jpg/640px-Divico_und_Caesar.jpg&w=640&q=50)
Divico
brenin Celtaidd / From Wikipedia, the free encyclopedia
Pennaeth y llwyth Celtaidd y Tigurini, un o lwythau'r Helvetii, oedd Divico (ffurf Ladin ar enw Celteg) (fl. tua degawd olaf yr 2il ganrif CC i ddiwedd y 50au CC).
![]() Divico yn annerch Iŵl Cesar. Darlun o'r 19eg ganrif, yr Almaen. | |
Enghraifft o'r canlynol | bod dynol ![]() |
---|---|
![]() |
Dan ei arweiniad, llwyddodd y Tigurini i guro un o fyddinoedd Gweriniaeth Rhufain yn y flwyddyn 107 CC mewn brwydr ger Llyn Genefa (Llyn Léman). Gorfodwyd y goroeswyr i ddwyn ieuau fel arwydd o gywilydd a chythruddwyd y Rhufeiniaid. Yn 58 CC, aeth Divico i ddinas Rhufain fel arweinydd llysgenhadaeth yr Helvetii i drafod gyda Iŵl Cesar. Cofnododd Cesar hynny a'i hanes yn ei lyfr enwog De Bello Gallico a dyma sail ein gwybodaeth amdano.
Ysbrydolodd hanes Divico sawl artist o'r Swistir, tiriogaeth yr Helvetii, yn cynnwys Charles Gleyre (1806 - 1974). Cyfansoddodd y llenor Conrad Ferdinand Meyer y gerdd Das Ioch am Léman ar ôl gweld paentiad Gleyre.