Casa Batlló
From Wikipedia, the free encyclopedia
Adeilad yw'r Casa Batlló sydd wedi'i leoli yn agos i ganol Barcelona yng Nghatalwnia ac sy'n cael ei gyfrif yn un o gampweithiau'r pensaer Antoni Gaudí. Ailbobiad o adeilad cynharach ydyw mewn gwirionedd, fe'i cynlluniwyd yn 1904 gan Gaudí ac ailwampiwyd ef sawl tro wedi hynny. Roedd gan Gaudí gynorthwywyr yn y broses o gynllunio adeiladau, ac wrth ei lawes y tro hwn roedd Domènec Sugrañes i Gras, Josep Canaleta a Joan Rubió. Yr enw lleol am yr adeilad ydy Casa dels ossos, sef 'Y Tŷ a wnaed o Esgyrn', oherwydd ei bryd a'i wedd 'esgyrnog'.
Delwedd:Casa Batllo Overview Barcelona Spain cut.jpg, Chimneys of Casa Batlló - Barcelona 2014.jpg | |
Math | multifamily residential |
---|---|
Enwyd ar ôl | Josep Batlló i Casanovas |
Sefydlwyd | |
Daearyddiaeth | |
Rhan o'r canlynol | Works of Antoni Gaudí, list of Modernista buildings in Barcelona |
Lleoliad | passeig de Gràcia |
Sir | Barcelona, Dreta de l'Eixample |
Gwlad | Sbaen |
Arwynebedd | 0.46 ha, 1.02 ha |
Uwch y môr | 33 metr |
Cyfesurynnau | 41.39158°N 2.16492°E |
Cod post | 08007 |
Arddull pensaernïol | Art Nouveau |
Statws treftadaeth | Bien de Interés Cultural, rhan o Safle Treftadaeth y Byd, Bé cultural d'interès nacional |
Manylion | |
Deunydd | bricsen, Montjuïc stone, ceramic glaze |
Yn wreiddiol, cafodd ei gynllunio ar gyfer dinasyddion dosbarth canol y ddinas ac roedd mewn ardal eitha cyfoethog o Farcelona. Yn 2005 dynodwyd y Casa Batlló yn Safle Treftadaeth rhyngwladol.[1]
Fel llawer o adeiladau Gaudí, mae'n hawdd adnabod yr adeilad fel un o'i weithiau oherwydd ei arddull unigryw sydd wedi'i seilio i raddau helaeth ar Modernisme neu Art Nouveau. Mae'r llawr gwaelod yn annerfol iawn oherwydd y delltwaith, y ffenestri ofal a'r gwaith carreg sy'n llifo o'r naill ochr i'r llall. Llond dwrn o linellau syth a phlwm sydd drwy'r lle ac mae llawer o'r ffasâd wedi'i addurno gyda theils mosäig (trencadís). Mae'r to'n fwaog ac fe'i cyffelybir yn aml i gefn draig neu ddeinosor. Dywedir fod y rhan i'r chwith o'r canol yn debyg i bicell nawddsant Catalwnia, sef San Sior, yn trywanu draig, yn ei chefn.