From Wikipedia, the free encyclopedia
Band roc caled Awstralaidd a ffurfiwyd yn Sydney ym 1973 gan y brodyr Angus a Malcolm Young yw AC/DC. Er ystyrient fel arloeswyr metel trwm,[1][2] mae aelodau'r band wastad wedi disgrifio eu cerddoriaeth fel "roc a rôl".[3]
Enghraifft o'r canlynol | band |
---|---|
Gwlad | Awstralia |
Label recordio | Columbia Records, Sony Music Entertainment, Interscope Records, Universal Music Group, Epic Records, Geffen Records, Hollywood Records, Island Records |
Dod i'r brig | 1973 |
Dechrau/Sefydlu | 31 Rhagfyr 1973 |
Genre | cerddoriaeth roc caled, roc a rôl, roc y felan |
Yn cynnwys | Angus Young, Cliff Williams, Brian Johnson, Stevie Young, Matt Laug, Chris Chaney |
Lleoliad yr archif | Australian Performing Arts Collection |
Gwefan | https://acdc.com |
Ffeiliau perthnasol ar Gomin Wicimedia |
Bu nifer o newidiadau i drefniant AC/DC cyn iddynt rhyddhau eu halbwm cyntaf, High Voltage, ym 1975. Ni newidiodd yr aelodaeth tan i'r gitarydd bas Cliff Williams cymryd lle Mark Evans ym 1977. Ym 1979, recordiodd y band eu halbwm llwyddiannus iawn Highway to Hell. Bu farw'r prif ganwr a chyd-ysgrifennwr caneuon Bon Scott ar 19 Chwefror 1980, ar ôl noson o yfed trwm. Ystyriodd y band roi'r gorau iddi, ond yn fuan wedyn, cafodd Brian Johnson, cyn-ganwr Geordie ei ddewis i gymryd lle Scott. Yn hwyrach y flwyddyn honno, rhyddhaodd y band eu halbwm brig, Back in Black.
Roedd albwm nesaf y band, For Those About to Rock We Salute You, hefyd yn llwyddiannus iawn ac hwn oedd eu halbwm cyntaf i gyrraedd safle rhif-un yn yr Unol Daleithiau. Gostyngodd poblogrwydd AC/DC ar ôl i'r drymiwr Phil Rudd adael ym 1983. Parhaodd gwerthiannau recordiau isel nes i The Razors Edge gael ei ryddhau ym 1990. Dychwelodd Phil Rudd ym 1994 a chyfrannodd at yr albwm Ballbreaker, a ryddhawyd ym 1995. Rhyddhawyd Stiff Upper Lip yn 2000 a derbyniodd glod gan y beirniaid. Cyhoeddwyd albwm newydd y band, Black Ice, ym Mehefin 2008 a rhyddhawyd ar 20 Hydref 2008.
Mae AC/DC wedi gwerthu dros 200 miliwn o albymau yn fyd-eang,[4] gan gynnwys 71 miliwn o albymau yn yr Unol Daleithiau.[5] Amcangyfrifir i Back in Black werthu rhyw 42 miliwn o gopïau byd-eang[6] a 22 miliwn yn yr Unol Daleithiau yn unig.[7] Fe gynhwysir AC/DC yn bedwerydd ar restr VH1 o'r 100 Artist Roc Caled Gorau[8] ac yn seithfed ar restr MTV o'r Bandiau Metel Caled Gorau Erioed.[9]
Teitl | Rhyddhawyd |
---|---|
High Voltage (Awstralia) | 1975 |
T.N.T. | 1975 |
High Voltage (rhyngwladol) | 1976 |
Dirty Deeds Done Dirt Cheap (Awstralia) | 1976 |
Dirty Deeds Done Dirt Cheap (rhyngwladol) | 1976 |
Let There Be Rock (Awstralia) | 1977 |
Let There Be Rock (rhyngwladol) | 1977 |
Powerage | 1978 |
Highway to Hell | 1979 |
Back in Black | 1980 |
For Those About to Rock We Salute You | 1981 |
Flick of the Switch | 1983 |
'74 Jailbreak | 1984 |
Fly on the Wall | 1985 |
Who Made Who | 1986 |
Blow Up Your Video | 1988 |
The Razors Edge | 1990 |
Ballbreaker | 1995 |
Stiff Upper Lip | 2000 |
Black Ice | 2008 |
Rock or Bust | 2014 |
Power Up | 2020 |
Dome, Malcolm (1982). AC/DC. Proteus Books. ISBN 0-862-76011-9
Bunton, Richard (1983). AC/DC: Hell Ain't No Bad Place to Be. Omnibus Books. ISBN 0-711-90082-5
Holmes, Tim (1986). AC/DC (Monsters of Metal). Ballantine. ISBN 0-345-33239-3
Huxley, Martin (1996). AC/DC: The World's Heaviest Rock. Lightning Source Inc.. ISBN 0-312-30220-7
Stenning, Paul (2005). AC/DC: Two Sides to Every Glory. Chrome Dreams. ISBN 1-842-40308-7
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.