From Wikipedia, the free encyclopedia
Роуз Сесил О' Нил (ҫӗртме, 25, 1874 — ака, 6, 1944) — американ карикатурисчӗ, иллюстраторӗ, художникӗ тата ҫыравҫи. 1909 ҫулта вӑл Кьюпи паллӑ комикс валли персонажсем хатӗрленипе чапа тухнӑ, ҫавӑн пекех вӑл Пӗрлешӳллӗ Штатсенче пӗрремӗш пичетленнӗ хӗрарӑм-карикатурист пулса тӑнӑ.
Роуз О'Нил | |
акăл. Rose Cecil O'Neill | |
Чӑн ят | акăл. Rose Cecil O'Neill |
---|---|
Çуралнă вăхăт | 1874 çулхи çĕртме, 25-мĕшĕ[1][2][…] |
Çуралнă вырăн | |
Вилнĕ вăхăт | 1944 çулхи ака, 6-мĕшĕ[1][2][…] (69 çул) |
Вилнĕ вырăн | |
Гражданлăх | |
Пăхăнулăх | |
Альма-матер | |
Упăшки | Гарри Леон Уилсон[d] |
Чыславсемпе парнесем | |
Автограф | |
Медиафайлы на Викиампар |
Ашшӗ кӗнеке сутакан пулнӑ, амӑшӗ кил хуҫалӑхне тытнӑ, ҫапла май О'Нил Небраска ял хутлӑхӗнче ӳснӗ. Ӳнерпе вӑл ачаранпах интересленнӗ, Нью-Йоркра иллюстратор ӗҫне шыранӑ. 1909 ҫулхи Ladies' Home Journal кӑларӑмӗнче пӗрремӗш хут Кьюпи ҫинчен унӑн карикатурисем пичетленнӗ, каярахпа, 1912 ҫулта, JD Kestner теттесем кӑларакан нимӗҫ компани ун евӗн бисквитран хатӗрленӗ пуканесем туса кӑларнӑ, кайран композици материалӗпе целлулоидран хатӗрлеме пуҫланӑ. Ҫирӗммӗш ӗмӗр пуҫламӑшӗнче пуканесем питӗ чапа тухнӑ, пурте вӗсене туянасшӑн пулнӑ, ҫавна май вӗсем Америкӑри Пӗрлешӳллӗ Штатсенче сутлӑха тухнӑ пӗрремӗш масӑллӑ теттесенчен пӗри шутланаҫҫӗ.
О'Нил ҫавӑн пекех темиҫе романпа сӑвӑ пуххисем ҫырса кӑларнӑ, хӗрарӑмсен суйлав юхӑмне йӗркелес ӗҫе те хастар хутшӑннӑ. Кьюпи пуканесем чапа тухнӑ хыҫҫӑн пӗр вӑхӑт вӑл тӗнчери чи пысӑк ӗҫ укҫиллӗ хӗрарӑм-иллюстратор пулнӑ. О'Нила Хӗрарӑм мухтавӗн наци залне кӗртнӗ.
2022 ҫулта Сан-Диегора иртнӗ Comic Con-ра Роуз О'Нила Эйснер парнин мухтав залне комикссен пионерӗ тесе кӗртнӗ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.