Нил — Африкăри юханшыв, тĕнчери икĕ чаплă шывсенчен пĕри. «Нил» сăмахĕ шывăн грек «Нилос» (Νειλος) ячĕнчен тухнă. Грексем татах çак шыва «Эгиптос» (Αιγυπτος) тесе чĕннĕ, çакăнтан çĕршывăн ячĕ — «Египет». Халичченех тавлашаççĕ, хăш шывĕ вăрăмрах — Нил е Амазонка. Вăхăт çемĕн юханшыв тăршшĕ улшăнса пырать, тата, тавлашакансем нихçан та юхма пуçланă вырăнĕ пирки калаçса килĕшӳ таймаççĕ.